شىمكەنت قالاسىنىڭ كوممۋنالدىق ينفراقۇرىلىمىن دامىتۋ قالا باسشىسىنىڭ باستى نازارىندا. قالا اكىمى مۇرات ايتەنوۆ وسى باعىتتا اتقارىلىپ جاتقان ءاربىر قۇرىلىستى تىكەلەي باقىلاۋىنا الىپ، ونىڭ ساپاسى مەن مەرزىمىندە اياقتالۋىن قاداعالاۋدا.
بۇگىن قالا اكىمى ەرىمبەتوۆ كوشەسىنىڭ بويىنداعى جىلۋ جۇيەسىنىڭ قۇرىلىسىن ارالاپ شىقتى. جالپى ۇزىندىعى 6 شاقىرىمعا جۋىق جىلۋ قۇبىرىنىڭ 4،1 شاقىرىمى ورىندالعان. ول جەلى وسىدان بىرنەشە جىل بۇرىن پايدالانۋعا بەرىلگەن ءنۇرسات شاعىناۋدانىنداعى ادس-160 گكال قازاندىعىنا بارىپ جالعانادى. وسىلايشا ماماندار جاڭا قازاندىقتىڭ ارتىق قۋاتىن قالانىڭ ورتالىق بولىگىندەگى نىساندارىن جىلىتۋعا دا پايدالانۋدى كوزدەپ وتىر.
نىسان قۇرىلىسىن مەردىگەر مەكەمە «كومپانيا نۋراي ستروي» جشس-گى جۇرگىزۋدە.
بيىل قالادا تۇرعىن ءۇي قۇرىلىسى 11،4 پايىزعا ارتىپ وتىر.
پىكىر قالدىرۋ