شىمكەنت قالاسىنداعى جيتس-تىڭ الدىن الۋ جانە وعان قارسى كۇرەس جونىندەگى ورتالىق اۆتوماتتاندىرىلعان «ExiStation TM» پتر جابدىعىمەن تولىقتى.
جاڭا پتر-اناليزاتور ايتۆ جۇقتىرعان پاسيەنتتەردىڭ يممۋنيتەت جاعدايى مەن رەتروۆيرۋسقا قارسى ەمنىڭ تيىمدىلىگىن باقىلاۋ ءۇشىن قولدانىلادى. اۆتوماتتاندىرىلعان اپپاراتتىڭ كومەگىمەن از عانا ۋاقىتتىڭ ىشىندە سىناما تالدامالارىن الۋعا مۇمكىندىك بار. ناقتىراق ايتقاندا، زەرتتەۋ ناتيجەسىن الۋ ۋاقىتى – 3 ساعات. ال وندىرىستىك قۋاتى – ءبىر اۋىسىمدا 40 تەستتىك تەكسەرۋ جۇرگىزۋگە قاۋقارلى.
اپپارات تولىعىمەن اۆتوماتتاندىرىلعان، سول سەبەپتى دە ينفەكسيالىق قاۋىپسىزدىك جانە انىقتاۋدىڭ جوعارى دالدىگى بارىنشا قامتاماسىز ەتىلەدى. ياعني، ادامي فاكتور اسەرىنەن بولاتىن قاتەلىكتەرگە جول بەرىلمەيدى.
جيتس ورتالىعىنداعى زەرتحانا بولىمىنە قويىلعان جاڭا اپپاراتتپەن جۇمىس ىستەۋ ءۇشىن مەديسينا ماماندارىنا ارنايى وقىتۋ جۇمىستارى جۇرگىزىلدى.
ايتا كەتەيىك، جاڭا اپپارات ق ر دسم «قازاق دەرماتولوگيا جانە جۇقپالى اۋرۋلار عىلىمي ورتالىعى» مەملەكەتتىك كاسىپورنى، جيتس، تۋبەركۋلەز جانە بەزگەكپەن كۇرەس جونىندەگى جاھاندىق قوردىڭ قارجىلىق قولداۋىمەن الىنعان.
پىكىر قالدىرۋ