شىمكەنت قالاسى ا-1 تاس جولىندا ورنالاسقان قۇرىلىس قالدىقتارى پوليگونى اۋماعىنا تۇرعىندار ءۇشىن دەمالىس ورنىن سالۋ جوسپارلانعان بولاتىن. قۇرىلىس جۇمىستارى 2021 جىلدىڭ قىركۇيەك ايىندا تولىعىمەن اياقتالدى.

قالا اكىمى م. ايتەنوۆ اباتتانعان نىساندى ارالاپ، قۇرىلىستىڭ ساپاسىن باقىلادى.

مەردىگەر مەكەمە «كەن تاۋ» ج ش س جوبا قۇنى 301،6 ملن تەڭگەنى قۇرايتىن جوبانىڭ قۇرىلىسىن ءوز مەرزىمىندە اياقتادى.

بۇگىنگى تاڭدا جالپى اۋدانى 4،48 گا اۋماقتا دەمالىس ورنى الاڭدارى، جارىقتاندىرۋ باعانالارى، ورىندىقتار، قوقىس ۋرنالارى، سپورت الاڭدارى قۇرىلدى. سونىمەن قاتار، ءار ءتۇرلى پىشىندە كىشى ساۋلەت مۇسىندەرى ورناتىلعان.

جەرگىلىكتى تۇرعىندار قوقىس پوليگونى اۋماعىنىڭ رەتكە كەلتىرىلىپ، جاسىل جەلەككە اينالعانىنا قۋانىشتارىن جەتكىزىپ، قالا اكىمىنە العىسىن ءبىلدىردى.

قۇرىلىسى 10 ايدا اياقتالعان دەمالىس ورنى بۇگىندە تۇرعىندار ءۇشىن سايالى اۋماققا اينالدى. قالانى جاسىل جەلەككە اينالدىرۋ جانە كوگالداندىرۋ، دەمالىس ورنىن كوبەيتۋ جۇمىستارى ۇدايى نازاردا.

ايتا كەتسەك، بۇگىنگى تاڭدا مەگاپوليستە 8 ساياباق، 39 گۇلزار بار. دەمالىس ورىندارىنىڭ سانى ارتىپ كەلەدى. ولاردىڭ بارلىعىنا ارنايى قىزمەتكەرلەر كۇن سايىن ەرەكشە كۇتىم جۇرگىزەدى.