شىمكەنت قالاسىنىڭ اكىمى م.ايتەنوۆ «جۇلدىز» يندۋستريالدى ايماعىنىڭ ينجەنەرلىك ينفراقۇرىلىم جۇيەلەرىنىڭ قۇرىلىس بارىسىن پىسىقتادى.

نىسان ەكى جوبادان تۇرادى. 1ء-شى جوبادا 12،5 شاقىرىم اۋىز سۋ، 58،2 شاقىرىم ەلەكتر جەلىسى، 8،9 شاقىرىم تابيعي گاز، 11،4 شاقىرىم كارىز جۇيەلەرىنىڭ قۇرىلىسى قامتىلعان.بۇگىندە مەردىگەر مەكەمە «Turan Energo Group» ج ش س 8 شاقىرىم اۋىز سۋ جانە 10 شاقىرىم كارىز جۇيەلەرىنىڭ ترانشەيالارىن قازۋ جۇمىستارىن ورىندادى. نىسان 2022 جىلعا وتپەلى. 

2ء-شى جوبا بويىنشا 13،2 شاقىرىم اۆتوموبيل جولىنىڭ قۇرىلىسى جوسپارلانعان. قازىرگى تاڭدا مەردىگەر مەكەمە «Impuls» ج ش س تاراپىنان جۇمىستاردىڭ 10 %-ى اتقارىلدى. اعىمداعى جىلعا №2 ۋچاسكە اۋماعىندا 2،4 شاقىرىم جول قۇرىلىسىن اياقتاۋ ءۇشىن قوسىمشا قارجى قاجەت. اتالعان نىسان قۇرىلىسى دا كەلەسى جىلعا  وتپەلى.

شىمكەنت قالاسىندا اۋماعى 306 گا «جۇلدىز» يندۋستريالدى ايماعىن قۇرۋ جۇمىستارى جۇرگىزىلۋدە. جوبانى 2021-2022 جىلدارى ىسكە اسىرۋ جوسپارلانىپ وتىر. وندا قۇنى 100 ملرد تەنگەنى قۇرايتىن 30-عا جۋىق  ينۆەستيسيالىق جوبالار جۇزەگە اسپاق.