شىمكەنت قالاسىنىڭ «ساۋلە شاعىناۋدانى 276 ورامدى ينجەنەرلىك ينفراقۇرىلىم جۇيەلەرىمەن قامتاماسىز ەتۋ جۇمىستارى جۇرۋدە. قالا اكىمى سۋ، ەلەكتر جانە گاز جۇيەلەرىنىڭ قۇرىلىس بارىسىن تەكسەرىپ، جۇمىستىڭ ساپاسىن باقىلادى.

ساۋلە شاعىناۋدانىن اۋىز سۋمەن قامتاماسىز ەتۋ ماقساتىندا «اگات» ءجشس-ى تاراپىنان بيىل ماۋسىم ايىندا قۇرىلىس جۇمىستارى باستالعان. نىسان قۇرىلىسى 2021 جىلدىڭ قاراشا ايىندا اياقتالىپ، تولىققاندى ساپالى اۋىز سۋ بەرىلەدى.
54،9 شاقىرىم اۋىز سۋ قۇبىرىنىڭ 54،9 شاقىرىمى تولىق سالىنعان. ءقازىر ابونەنتتەۋ، ءورت ءسوندىرۋ گيدرانتتارىن جانە ىسىرما (زادۆيجكا) ورناتۋ، ءىى كوتەرۋ سورعى ستانساسىن ورناتۋ جۇمىستارى جۇرگىزىلۋدە. جالپى جۇمىستىڭ 92 %-ى اتقارىلدى.

تابيعي گازبەن قامتاماسىز ەتۋ بويىنشا «حمسۋ شىمكەنت مەليوراسيا» ءجشس-ى تاراپىنان قۇرىلىس جۇمىستارى بيىل قازان ايىندا باستالماق. نىسان 2022 جىلعا وتپەلى.

ەلەكتر قۋاتىمەن قامتاماسىز ەتۋ بويىنشا «اكسەمسەرسترويسەرۆيس» ءجشس-ى تاراپىنان بيىل شىلدە ايىندا قۇرىلىس جۇمىستارى باستالدى. قۇرىلىس جۇمىستارى 2022 جىلعا وتپەلى. قازىرگى تاڭدا جالپى جۇمىستىڭ 56 %-ى اتقارىلعان.