الماتىدا پوليسەيلەر فرانسۋز ءۇيى ساۋدا ورتالىعىنىڭ الدىنداعى ەيفەل مۇناراسىنىڭ كىشىرەيتىلگەن كوشىرمەسىنەن سەكىرمەك بولعان ەر ادامدى قۇتقاردى. بۇل تۋرالى Polisia.kz سايتى حابارلادى.

"102" پۋلتىنە دابىل تۇنگى ۋاقىتتا كەلىپ ءتۇستى. قوڭىراۋ شالعاندار بەلگىسىز ەر ادامنىڭ نازاربايەۆ پەن اباي داڭعىلدارىنىڭ قيىلىسىندا ورنالاسقان مۇنارادان سەكىرمەكشى بولىپ تۇرعانىن حابارلادى. ءبىزدىڭ ءتۇسىرىلىم توبىمىز وقيعا ورنىنا العاشقىلاردىڭ ءبىرى بولىپ جەتتى. وسى كەزدە "فرانسۋز ءۇيىنىڭ" كۇزەتشىسى جوعارىعا كوتەرىلىپ، ەر اداممەن كەلىسسوز جۇرگىزىپ جاتقان، ال "بۋران-160" ەكيپاجىنىڭ پاترۋلشىلەرى تومەندە تۇرىپ، ءوتىپ بارا جاتقاندارمەن بىرگە سەكىرمەكشى بولعان ادام ويىنداعىسىن جۇزەگە اسىراتىن بولسا دەپ تەنتتى سوزدى. ىڭعايلى ءساتتى كۇتىپ، جوعارى كوتەرىلدىم. ارتىنان جاسىرىنىپ بارىپ، كۇزەتشىمەن بىرگە ەر ادامدى ۇستاپ الدىق، ونىڭ وز-وزىنە قول جۇمساۋعا باعىتتالعان ارەكەتتەرىنە توسقاۋىل قويدىق. سوسىن ونى باسپالداقپەن تومەن تۇسىردىك. بەلگىسىز ادام قاتتى الكوگولدىك ماساڭ كۇيدە بولدى، ءوز ارەكەتىنىڭ سەبەبىن ناقتى تۇسىندىرە المادى. پاترۋلدىك ەكيپاج ونى تەرگەۋ ءۇشىن بوستاندىق اۋداندىق پوليسيا باسقارماسىنا اكەلدى، – دەدى الماتى قالالىق پد ىشكى جانە سىرتقى كوممۋنيكاسيالار باسقارماسىنىڭ قىزمەتكەرى تالعات سەيىلبايەۆ.

پوليسيا دەپارتامەنتى ەر ادامنىڭ جەكە باسى انىقتالعانىن، ول 1977 جىلى تۋعان، ناقتى تۇرعىلىقتى جەرى جوق م.ەسىمدى ازامات ەكەنىن ءمالىم ەتتى.

ول ءتارتىپ ساقشىلارىنا مۇنداي شەشىمىن ومىرىندەگى قيىندىقتارمەن بايلانىستى ەكەنىن ايتقان.