قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى قالالىق ىشكى ساياسات جانە جاستار ىستەرى جونىندەگى باسقارماسىمەن بىرلەسە بۇقارالىق اقپارات قۇرالدارى وكىلدەرى اراسىندا قوعامدا سىبايلاس جەمقورلىققا قارسى مادەنيەتتى قالىپتاستىرۋ باعىتىنداعى ۇزدىك جۋرناليستىك جۇمىستارعا بايقاۋ جاريالايدى.  

بايقاۋعا قاتىسۋ ەرەجەلەرى:

بايقاۋعا 2021 جىلدىڭ 1 قاڭتارىنان باستاپ 1 قاراشاعا دەيىن سىبايلاس جەمقورلىققا قارسى مادەنيەتتى قالىپتاستىرۋعا، قوعامدا سىبايلاس جەمقورلىققا توزبەۋشىلىكتى كورسەتەتىن قۇندىلىقتار جۇيەسىن ساقتاۋعا جانە نىعايتۋعا باعىتتالعان ماتەريالدار نەمەسە جاريالانىمدار جانە باعدارلامالار سيكلدەرى (باعدارلامالار، ارنايى سيۋجەتتەر، دەرەكتى فيلمدەر، ستۋديالىق جازبالار، ماقالالار، سۇحباتتار) قابىلدانادى.

بايقاۋ قاتىسۋشىلارى:

كونكۋرسقا قاتىسۋعا قالاداعى بۇقارالىق اقپارات قۇرالدارىنىڭ وكىلدەرى شاقىرىلادى (ونىڭ ىشىندە، رەسپۋبليكالىق باق-دىڭ وبلىستاعى مەنشىكتى تىلشىلەرى جانە شتاتتان تىس) قاتىسۋعا شاقىرىلادى.

كونكۋرسقا قاتىسۋشىلار تىكەلەي وزدەرى نەمەسە ب ا ق رەداكسياسىنىڭ ۇسىنىسى ارقىلى قاتىسا الادى.

بايقاۋ كەلەسى نوميناسيالار بويىنشا وتكىزىلەدى:

- ۇزدىكتەلە/راديو سيۋجەت نەمەسە تەلە/راديو سيۋجەتتەردىڭ سيكلى؛

- باسپا ءسوز باسىلىمدارىنداعى ۇزدىك جاريالانىم؛

- اقپاراتتىق اگەنتتىكتەردەگى ۇزدىك جاريالانىم.

مازمۇنىنا قويىلاتىن تالاپتار:

- بايقاۋعا تەك وزىندىك ماتەريالدار، تەلەسيۋجەتتەر ۇسىنىلادى. كونكۋرستىق ماتەريالدار اۆتورلىق قۇقىق، زياتكەرلىك مەنشىك تۋرالى زاڭناما تالاپتارىنا سايكەس بولۋى قاجەت؛

- بايقاۋعا جۋرناليستىك ماتەريالدار قابىلدانادى (ساراپتامالىق جاريالانىمدار، ماتەريالدار، وچەركتەر، رەپورتاجدار، شولۋ جانە تەلەسيۋجەتتەر)؛

- بايقاۋعا قازاق، ورىس تىلدەرىندەگى ماتەريالدار ۇسىنىلۋى مۇمكىن؛

- بايقاۋ تاقىرىبىنا سايكەس ەمەس جانە تالاپتارعا ساي كەلمەيتىن ماتەريالدار، ۇسىنۋ مەرزىمى اياقتالعاننان كەيىن كەلىپ تۇسكەن جۇمىستار بايقاۋعا جىبەرىلمەيدى؛

- بايقاۋعا ۇسىنىلعان ماتەريالدار قايتارىلىپ بەرىلمەيدى؛

- جاريالانىمدار ءتۇپنۇسقا نەمەسە ماتەريالداردىڭ كسەروكوشىرمەسى تۇرىندە (باسىلىمنىڭ اتاۋى، كۇنى جانە اۆتورمەن بايلانىس جاساۋ مالىمەتتەرى تولىق كورسەتىلە وتىرىپ) ۇسىنىلۋى ءتيىس؛

- دىبىستىق-ۆيزۋالدى جۇمىستار ەفيرلىك انىقتامامەن بىرگە تەليەۆيزيالىق باعدارلامانىڭ كوشىرمەسى تۇرىندە (CD/DVD ديسكىلەرىندە، flash-تاسىمالداۋشىلارىندا) ۇسىنىلۋى ءتيىس؛

- اقپاراتتىق اگەنتتىكتەردىڭ جۋرناليستەرى جاريالانعان ماتەريالداردىڭ كوشىرمەسىن ينتەرنەت-سايتتا ورنالاستىرىلعانىن راستاپ جولداۋى قاجەت.

ۇسىنىلاتىن ماتەريالدارعا مىنالار قوسا تىركەلەدى: جۋرناليست تۋرالى قىسقاشا اقپارات، اقپاراتتىق ماتەريالداردىڭ تىزبەسى.

بايقاۋعا ماتەريالداردى ۇسىنۋ ءتارتىبى:

بايقاۋعا ماتەريالدار بارلىق نوميناسيالار بويىنشا ءتۇپنۇسقادا نەمەسە ەلەكتروندىق نۇسقادا ا.ج. 3 قاراشاسىنا دەيىن (بايقاۋدىڭ جۇمىس توبىنىڭ مەكەن-جايىنا: شىمكەنت قالاسى، قازىبەك بي كوشەسى №3 ءۇي نەمەسە antikor0102@gmail.com  ەلەكتروندىق پوشتاسىنا) ۇسىنىلۋى ءتيىس.

بايقاۋدىڭ قورىتىندىلارىن شىعارۋ:

كونكۋرس جەڭىمپازدارى حالىقارالىق سىبايلاس جەمقورلىققا قارسى كۇنىنە وراي ۇيىمداستىرىلاتىن فورۋمدا ماراپاتتالادى. كونكۋرس جەڭىمپازدارى العىس حاتتارمەن (گراموتالار) جانە باعالى سىيلىقتارمەن ماراپاتتالادى.

جەڭىمپازداردى ايقىنداۋ بايقاۋ كوميسسياسىنىڭ شەشىمىمەن جۇزەگە اسىرىلادى.

بايقاۋ كوميسسياسى ۇمىتكەرلەردى ىرىكتەۋ بارىسىندا كەلەسى شارتتاردى باسشىلىققا الادى:

ماتەريالداردىڭ بايقاۋ تالاپتارىنا سايكەستىگى؛

ماتەريالدىڭ وبەكتيۆتىلىگى؛

كاسىبي شەبەرلىگى؛

جۋرناليستيكانىڭ ەتيكالىق قاعيدالارىنا سايكەستىگى.

قوسىمشا اقپاراتتى 8747 741 76 28  تەلەفونى ارقىلى الۋعا بولادى.