مەملەكەت باسشىسىنىڭ جولداۋىندا وڭىرلەردى دامىتۋدىڭ ۇلتتىق جوباسى اياسىندا بەس جىل ىشىندە حالىقتى 100 پايىز تازا اۋىز سۋمەن قامتاماسىز ەتۋدى تاپسىرعان بولاتىن. بۇل كورسەتكىشكە قول جەتكىزۋ ماقساتىندا شىمكەنت قالاسىندا اۋقىمدى جۇمىستار اتقارىلىپ كەلگەن.
وسىنىڭ نەگىزىندە، بيىل قالاداعى ەلدى مەكەندەردى اۋىز سۋمەن قامتاماسىز ەتۋ ءۇشىن 14 نىساننىڭ قۇرىلىس جۇمىستارى جۇرگىزىلىپ جاتىر.
جوباعا سايكەس، بىرنەشە ەلدىمەكەندەردە قۇرىلىس جۇمىستارى اياقتالىپ، تۇرعىندارعا اۋىز سۋ بەرۋ ۋاقىتى دا تاياپ قالدى. ماسەلەن، ءال-فارابي اۋدانىنا قاراستى ساۋلە شاعىن اۋدانىنىنىڭ جاڭاقۇرىلىس اۋماعىندا ورنالاسقا 276 ورامدى اۋىز سۋمەن قامتۋ قۇرىلىسى اياقتالدى.
مەردىگەر مەكەمە «اگات» تاراپىنان قۇرىلىس جۇمىستارى 2021 جىلدىڭ ماۋسىم ايىندا باستالعان بولاتىن. بۇگىندە 100 % ىشكى ورامدىق سۋ جۇيەلەرى تارتىلدى.
قازىرگى ۋاقىتتا قۇبىرلاردى جۋىپ-شايۋ، دەزينفەكسيالاۋ جۇمىستارى جۇرگىزىلىپ جاتىر.
اتالعان جۇمىستار قاراشا ايىندا اياقتالىپ، بۇگىنگى كۇنگە دەيىن اۋىز سۋدى كەستە بويىنشا قولدانىپ كەلگەن 276 ورام تۇرعىندارى تولىعىمەن ۇزدىكسىز ساپالى اۋىز سۋ تۇتىناتىن بولادى.
پىكىر قالدىرۋ