شىمكەنت قالاسى ءال-فارابي اۋدانىنىڭ اكىمى راشيد مىڭبايەۆ تۇرعىنداردى جەكە وتىنىشتەرى بويىنشا قابىلدادى. كەزەكتى قابىلداۋ كەزىندە قالامىزدىڭ ساۋلەت جانە قۇرىلىس سالاسىنا ەڭبەگى سىڭگەن پروفەسسور اقبولات احمەدوۆ اۋدان اكىمىنە ءوزى جازعان كىتاپتىڭ 6 داناسىن تابىس ەتتى.
- ءوزىمنىڭ ومىرلىك تاجىريبەمە سۇيەنە وتىرىپ جازعان «ۆسپومينايا پروجيتۋيۋ جيزن» اتتى كىتابىمدى سىزدەرگە سىيعا تارتۋدى ءجون كوردىم. مۇندا حالىقپەن جۇمىس ىستەۋ كەزىندە قاجەتتى پايدالى كەڭەستەر مەن ءوز باسىمنان وتكىزگەن وقيعالاردى ءتۇسىردىم. سىزدەردىڭ كادەلەرىڭىزگە جارايدى دەپ ۇمىتتەنەمىن. ىزدەنۋدەن، ەل ءۇشىن ەڭبەك ەتۋدەن شارشاماڭىزدار، - دەدى اقبولات رايىمبەك ۇلى.
سودان سوڭ اۋدان ازاماتتارى الاڭداتقان ماسەلەلەرىن قوزعاپ، ءتۇرلى ساۋالدارىن جولدادى.
بايتۇرسىنوۆ كوشەسىنىڭ تۇرعىنى سەيتبەكوۆا قالجان اۋلاسىنا بالالار جانە سپورت الاڭشاسىن سالىپ بەرۋدى سۇرادى. راشيد مامىت ۇلى الداعى ۋاقىتتا وندا زەردەلەۋ جۇمىستارى جۇرگىزىلىپ، سمەتالىق قۇجاتتارى ازىرلەنەتىن ايتتى.
ال كراسيكوۆا ناتاليا كاسىپكەر كورشىسىنىڭ ارىققا زاڭسىز بوگەت قويعاندىعىن ايتىپ شاعىمداندى. اۋدان اكىمى ءوزىنىڭ ورىنباسارىنا دۇكەننىڭ يەسىمەن تىلدەسىپ، زاڭسىز ىس-ارەكەتىنىڭ دۇرىس ەمەستىگىن ءتۇسىندىرۋدى جۇكتەدى.
جەكە قابىلداۋ بارىسىندا ءاربىر تۇرعىننىڭ ءۋاجى مۇقيات تىڭدالىپ، اتالعان ماسەلەلەر بويىنشا ءتيىستى ءبولىم باسشىلارىنا وڭتايلى شەشىمىن تابۋ بويىنشا تاپسىرما بەرىلدى. سونداي-اق، اۋدان اكىمى ءال-فارابي اۋدانىنا قاتىستى كەز-كەلگەن ماسەلەنى زاڭ اياسىندا شەشۋدىڭ ماڭىزدى ەكەنىن جەتكىزدى.
ايتا كەتەيىك، ءال-فارابي اۋدانىنىڭ اكىمى راشيد مىڭبايەۆ تۇرعىنداردى جەكە ماسەلەلەرى بويىنشا ايىنا 2 رەت بەيسەنبى كۇندەرى قابىلدايدى. ازاماتتار اكىمدىككە كەلىپ الدىن الا جازىلۋى ءتيىس.
