رىسقۇلوۆ جانە قونايەۆ داڭعىلى قيىلىسىنداعى جولايرىق 10 قازان كۇنى قونايەۆ داڭعىلى بويىنشا جول قوزعالىسى ءۇشىن اشىلعان بولاتىن. قازىرگى تاڭدا رىسقۇلوۆ كوشەسىنىڭ ءبىر جاق بولىگىن اشۋداعى سوڭعى جۇمىستار اتقارىلۋدا. قالعان بولىگى مەن جاياۋ جۇرگىنشىلەر جولى قاراشادا اياقتالماق. بۇل تۋرالى قالالىق جولاۋشىلار كولىگى جانە اۆتوموبيل جولدارى باسقارماسى حابارلادى.

جىل وتكەن سايىن شىمكەنتتەگى قالاىشىلىك جولداردا كولىك كەپتەلىسى ارتىپ كەلەدى. اسىرەسە، ورتالىق كوشەلەردە بەلگىلى ءبىر ۋاقىتتا كولىك تىعىنىن ءجيى بايقاۋعا بولادى. ماسەلەن، ت.رىسقۇلوۆ جانە د. قونايەۆ كوشەلەرى قالانىڭ ءبىر شەتى مەن ەكىنشى شەتىن جالعايتىن ۇزىن كوشەلەر. سالدارىنان، مۇندا كولىكتەردىڭ كەپتەلىسىنەن تۋىندايتىن ماسەلەلەر از ەمەس. وسى ىڭعايسىزدىقتاردى شەشۋ ماقساتىندا، قالا اكىمدىگى د.قونايەۆ-ت.رىسقۇلوۆ پەن بايدىبەك بي-ارعىنبەكوۆ كوشەلەرىنىڭ قيىلىسىندا جولايرىق قۇرىلىسىن سالۋدى جوسپارلاعان بولاتىن.

زەردەلەۋ جۇمىستارىنىڭ ناتيجەسىندە 2019 جىلى رىسقۇلوۆ (قونايەۆ قيىلىسى) كوشەلەرىنىڭ كولىكتەردى وتكىزگىشتىگى 27 775 اۆتو/تاۋلىك بولسا، جول قۇرىلىسى اياقتالعاننان كەيىن 65 820 اۆتو/تاۋلىك وتكىزۋ مۇمكىنشىلىگىنە جوعارىلايدى دەپ كۇتىلۋدە.