اتىراۋ وبلىسىندا تاسجولدا اتىس بولدى، ءبىر ادام قازا تاپتى، دەپ حابارلادى "اق جايىق" سايتى.
30 قازاندا ساعات شامامەن 19:30-دا اتىراۋ-اقتوبە تاسجولىنىڭ 331-شاقىرىمىندا قىزىلقوعا اۋدانى ساعىز اۋىلىنىڭ ماڭىندا اۋىلداستار اراسىندا اتىس بولعان.
سالدارىنان التى ادام جاراقات العان. ونىڭ ىشىندەگى 35 جاستاعى ەر ادام سول جەردە كوز جۇمدى، 29 جاستاعى جىگىت جاراقاتپەن اۋداندىق اۋرۋحاناعا جاتقىزىلعان.
"زارداپ شەككەندەر ساعىز اۋىلدىق دارىگەرلىك امبۋلاتورياسىنا جەتكىزىلدى. وقيعا ورنىندا جەدەل-تەرگەۋ توبى جۇمىس ىستەپ جاتىر. ەكى كۇدىكتى انىقتالدى، ءبىرى ۇستالىپ، قاماۋعا الىندى. قىلمىستىق كودەكستىڭ 24-99-بابى (قىلمىسقا دايىندالۋ جانە قىلمىسقا وقتالۋ/ادام ءولتىرۋ)
بويىنشا سوتالدى تەرگەۋ باستالدى" دەلىنگەن اتىراۋ وبلىسى پوليسيا دەپارتامەنتىنىڭ باسپا ءسوز قىزمەتىندە.
پىكىر قالدىرۋ