اتىراۋدا 10 جاسار بالا توڭازىتقىشتىڭ ارتىنا جاسىرىنىپ، توق سوعىپ قايتىس بولدى. بۇل تۋرالى atpress.kz سايتى حابارلادى.
قايعىلى وقيعا 30 قازان كۇنى 14:45 شاماسىندا بولعان. 2011 جىلعى بالا ۇيدە تىعىلماق ويناپ ءجۇرىپ، توڭازىتقىشتىڭ ارتىنا جاسىرىنعان. سول كەزدە ونى توق سوققان. بۇل تۋرالى پوليسياعا بالانىڭ اجەسى حابارلاسىپ ايتقان.
"جەدەل جاردەم پۋلتىنە قوڭىراۋ ساعات 14.45-تە ءتۇسىپ، بريگادا وقيعا ورنىنا 14.51-دە جەتتى. بالا جەدەل جاردەم كەلگەنشە قايتىس بولىپ كەتتى. ونىڭ دەنەسىنەن جاراقاتتار انىقتالمادى. ءمايىت ساراپتاماعا جىبەرىلدى. اتالعان دەرەك بويىنشا تەكسەرۋ ءجۇرىپ جاتىر" دەلىنگەن پوليسيا دەپارتامەنتى حابارلاماسىندا.
پىكىر قالدىرۋ