شىمكەنت قالاسىنىڭ ورتالىقتاندىرىلعان بالالار كىتاپحانالار جۇيەسىنىڭ ۇيىمداستىرۋمىن №8 وتباسىلىق كىتاپحانادا «جەتىستىككە جەتكىزەتىن كىتاپتار» اپتالىعىنىڭ اشىلۋى ءوتتى. جيىنعا بالالار جازۋشىسى قوجاگەلدى يسايەۆ پەن فانتاست-جازۋشى سارمانباي يساقوۆ قاتىستى.

عىلىم مەن تەحنيكانىڭ قارىشتاپ دامىعان زامانىندا بالالاردىڭ ادەبيەتكە دەگەن قىزىعۋشىلىعىن ارتتىرۋ ءبىرشاما قيىنداپ كەتتى. دەسەك تە، بالالاردىڭ دۇنيەتانىمىن ارتتىرىپ، وتانسۇيگىشتىككە تاربيەلەپ، ءبىلىم مەن عىلىمعا جەتەلەۋدە كىتاپتىڭ، ونىڭ ىشىندە بالالار ادەبيەتىنىڭ ورنى ەرەك، — دەپ اتاپ ءوتتى س.يساقوۆ.

سالتاناتتى شارادا شىمكەنت قالالىق ارداگەرلەر كەڭەسىنىڭ «اسىل اجەلەر» ءانسامبلى اننەن شاشۋ شاشتى. جازۋشىلاردىڭ تۇششىمدى اڭگىمەسىنەن سوڭ، «كىتاپ الەمىندە» تانىمدىق سۇراق-جاۋاپ سايىسى ءوتتى. سونىمەن قاتار، ۇيىمداستىرۋشىلار №13 جالپى ورتا مەكتەپتىڭ وقۋشىلارى زاماناۋي جاڭارتۋدان وتكەن كىتاپحانا عيماراتىن ارالاپ، ونداعى جاڭا كىتاپتارمەن تانىستى.

ايتا كەتەيىك، اپتالىق 12-19 قازان ارالىعىندا وتەدى.