شىمكەنت قالاسى اكىمىنىڭ ورىنباسارى م.ايمانبەتوۆ قالا تۇرعىندارىن ينفراقۇرىلىممەن قامتۋ بويىنشا قۇرىلىسى ءجۇرىپ جاتقان ءبىرقاتار نىسانداردى ارالادى. بۇل تۋرالى قالالىق ەنەرگەتيكا جانە ينفراقۇرىلىمدى دامىتۋ باسقارماسى حابارلادى.

قازىرگى ۋاقىتتا قالا تۇرعىندارىن ساپالى اۋىز سۋمەن قامتۋ قۇرىلىسى قارقىندى ءجۇرىپ جاتىر. بۇگىندە ىنتىماق-2 ەلدىمەكەنىن ساپالى اۋىز سۋمەن قامتۋ قۇرىلىسى تولىعىمەن اياقتالىپ، تۇرعىن ۇيلەردى سۋعا قوسۋ جۇمىستارى جۇرگىزىلىپ جاتىر. مۇندا بارلىعى 2500-گە جۋىق تۇرعىن بولسا، ءقازىر 1000-نان استام ابونەنت ساپالى اۋىز سۋ تۇتىنۋدا.

الداعى 2 اپتا كولەمىندە سۋعا قوسۋ جۇمىسى 100% ورىندالىپ، تۇرعىندار تولىعىمەن ساپالى اۋىز سۋمەن قامتىلاتىن بولادى.

قۇرىلىسى ءجۇرىپ جاتقان نىسانداردى ارالاۋ بارىسىندا قالا اكىمىنىڭ ورىنباسارى باتىس جانە جاڭاتالاپ ەلدىمەكەندەرىنە دە باردى. اتالعان ەلدىمەكەندەردە قۇرىلىس جۇمىسى 100% اياقتالعان. قازىرگى ۋاقىتتا ىشكى ورامدىق سۋ قۇبىرلارىن جۋىپ-شايۋ، دەزينفەكسيالاۋ جانە ابونەنتتەۋ جۇمىستارى ءجۇرىپ جاتىر.

ايتا كەتەيىك، جىل سوڭىنا دەيىن اۋىز سۋدى تاسىمالدايتىن سولتۇستىك ساياجاي، باتىس، جاڭاتۇرلان، اسار-2، اقتاس تۇرعىن الابتارى مەن كەستەمەن بەرىلىپ كەلگەن جاڭاتالاپ، ساۋلە ش/ا، نۇرتاستىڭ جاڭاقۇرىلىس اۋماعىندا قۇرىلىس جۇمىسى اياقتالادى. ناتيجەسىندە 25،6 مىڭ ادام اۋىز سۋمەن قامتىلىپ، كورسەتكىش 95،6%-دان - 98%-عا جەتەدى.