اسكەري پروكۋراتۋرا 9 ايدان بەرى جاڭا فورماتتاعى جۇمىستى اتقارىپ كەلەدى. ۇيىمداستىرۋشىلىق شارالاردىڭ ناتيجەسىندە جاڭا مودەل قالامىزدا ءساتتى ىسكە اسىرىلىپ جاتىر. شىمكەنت گارنيزونىندا وتكەن جىلدىڭ ءتيىستى كەزەڭىمەن سالىستىرعاندا قىلمىستىق قۇقىق بۇزۋشىلىقتار سانى 68 پايىزعا تومەندەدى. ونىڭ ىشىندە اۋىر قىلمىستار 75 پايىزعا، اۋىرلىعى ورتاشا قىلمىستار 50 پايىزعا جانە جەڭىل قىلمىستار 100 پايىزعا دەيىن ازايدى.
سونىمەن قاتار، قىلمىستىق ءىستى توقتاتۋ (نەمەسە قىسقارتۋ) كورسەتكىشى 37،5 پايىزعا، سوتقا جولداناتىن ىستەردىڭ سانى 75 پايىزعا كەمىدى.
2021 جىلدىڭ 1 ساۋىرىنەن باستاپ قالامىزدا ق ر باس پروكۋرورى مەن ق ر ىشكى ىستەر ءمينيسترىنىڭ بىرلەسكەن بۇيرىعىنا سايكەس، قاساقانا كىسى ءولتىرۋ قىلمىستارى مەن ازاماتتاردىڭ قۇقىقتارىنا اسەر ەتەتىن نەگىزگى پروسەستىك شەشىمدەردىڭ پروكۋرورمەن قابىلدانۋى جونىندە پيلوتتىق جوبا ىسكە اسىرىلىپ جاتىر.
پىكىر قالدىرۋ