پروكۋراتۋرا تۇركىستان وبلىسىنداعى ورتتەن قازا تاپقاندار مەن زارداپ شەككەندەر تۋرالى اقپارات جاريالادى.
جەتىساي اۋدانىنا قاراستى العاباس اۋىلىندا 18 قاراشا كۇنى تاڭەرتەڭ 360 شارشى مەتر اۋماقتاعى تۇرعىن ۇيدەن ءىرى ءورت شىققان ەدى. رەسمي مالىمەت بويىنشا، قىزىل جالىننان 12 ادام كوز جۇمدى. پوليسيانىڭ مالىمدەۋىنشە، ءورتتىڭ الدىندا وتباسى سۇندەت توي وتكىزگەن: الدىمەن مەيرامحانادا، كەيىن مەرەكەنى ۇيدە جالعاستىرعان.
جەرگىلىكتى بيلىك تاراتقان مالىمەت بويىنشا، قازا تاپقان بالالار 2009، 2010، 2012، 2015، 2017، 2019 جانە 2021 جىلدارى تۋعان. ەڭ كىشىسى — 2024 جىلى دۇنيەگە كەلگەن.
قايتىس بولعان بەس بالا ءبىر ءۇيدىڭ بالالارى — ءۇش قىز جانە ەكى ۇل. ەكىنشى وتباسىنان 2018 جىلى تۋعان ءبىر قىز بالا امان قالدى.
ءتىزىم
-
15.10.1991 ج.ت. شويبەكوۆ داۋرەنبەك تالگاتبەك ۇلى (ءۇي يەسى)
-
10.01.1994 ج.ت. امانتۋردييەۆا دينارا كاديربەك قىزى (ايەلى)
-
17.12.2015 ج.ت. تالگاتبەك اسيا داۋرەنبەك قىزى
-
22.07.2017 ج.ت. تالگاتبەك دانا داۋرەنبەك قىزى
-
19.02.2021 ج.ت. تالگاتبەك اليحان داۋرەنبەك ۇلى
-
19.02.2021 ج.ت. تالگاتبەك اميرحان داۋرەنبەك ۇلى
-
18.03.2019 ج.ت. تالگاتبەك الۋا داۋرەنبەك قىزى
-
08.01.1990 ج.ت. ۋميرزاحوۆا مارجان الدياروۆا
-
16.01.2009 ج.ت. تالگاتبەك جانسايا ولجاس قىزى
-
06.12.2010 ج.ت. تالگاتبەك اسسابۋر ولجاسبەك ۇلى
-
05.09.2012 ج.ت. تالگاتبەك مۇحيت ولجاسبەك ۇلى
-
20.03.2024 ج.ت. تالگاتبەك رايانا ولجاسبەك قىزى وقيعا ورنىندا قايتىس بولعان.
بۇدان بولەك 1964 جىلعى تۋرەگەلدييەۆا گۋلجاميلا سەيداحان قىزى، 1986 جىلعى شويبەكوۆ ولجاسبەك تالگاتبەك ۇلى جانە 2018 جىلعى تالگاتبەك جاسمين ولجاسبەك قىزى اۋداندىق ورتالىق اۋرۋحانانىڭ جان ساقتاۋ بولىمىنە جاتقىزىلعان.
جالپى 12 ادام قازا بولدى. امان قالعان ءۇش ادامنىڭ ءومىرى ءۇشىن دارىگەرلەر كۇرەسىپ جاتىر. قايعىلى وقيعا بويىنشا ءورت قاۋىپسىزدىگى تالاپتارىن بۇزۋ بابىمەن قىلمىستىق ءىس قوزعالدى.
ەسكە سالايىق، بۇگىن تاڭەرتەڭ تۇركىستان وبلىسىنداعى العاباس اۋىلىندا قايعىلى وقيعا بولدى. ەكى قاباتتى ۇيدەن ءورت شىعىپ، 12 ادام قازا تاپتى.
