شىمكەنت اكىمى مۇرات ايتەنوۆ جۇمىس ساپارىن ناۋرىز شاعىناۋدانىندا جۇرگىزىلىپ جاتقان كارىز جۇيەسىنىڭ جۇمىسىمەن تانىستى. ءال-فارابي اۋدانىنداعى 64 525 ابونەنتتىڭ 86 پايىزى كارىز جۇيەسىمەن قامتىلسا، 8309 (14%) ابونەنت قامتىلماعان.

ناۋرىز شاعىناۋدانى تۇرعىندارىن كارىز جۇيەسىمەن قامتۋ ءۇشىن قۇرىلىس جۇمىستارى مامىر ايىندا باستالعان. بۇگىندە تايمان، ەركىندىك، سۇلەيمەنوۆ جانە مەيىربەكوۆ كوشەلەرى كارىز جۇيەسىنە قوسىلدى. كارىز جۇيەسىنە ارنالعان قۇبىر قازييەۆ كوشەسىندەگى كوللەكتورعا قوسىلادى. ودان بولەك، سامال شاعىناۋدانىن كارىز جۇيەسىمەن قامتۋ ماقساتىندا قۇرىلىس جۇمىستارى جۇرگىزىلۋدە.

اتالعان شاعىناۋداندارداعى جۇمىستار كەلەر جىلعا وتپەلى، جۇمىستار تولىق اياقتالعاننان كەيىن كارىز جۇيەسىمەن قامتىلعان ابونەنتتەر سانى 58 072-گە جەتەتىن (90%) بولادى. قازىرگى تاڭدا نەگىزگى جۇمىستار اياقتالىپ، جولدى قالپىنا كەلتىرۋ جۇمىستارى جۇرگىزىلۋدە. جۇمىس بارىسىمەن تانىسقان قالا اكىمى كوشەلەردى تولىق جانە ساپالى تۇردە قالپىنا كەلتىرۋدى، مەرزىمىندە اياقتاۋدى تاپسىردى.