"Bloomberg" ميللياردەرلەر يندەكسىنە سايكەس، Tesla كومپانياسىنىڭ باس اتقارۋشى ديرەكتورى يلون ماسكتىڭ بايلىعى 335 ميلليارد دوللارعا جەتتى.

سالىستىرۋ ءۇشىن ايتساق، ونىڭ داۋلەتى "Berkshire Hathaway" كومپانياسىنىڭ باس ديرەكتورى ۋوررەن باففەتتىڭ بايلىعىنىڭ ءۇش ەسەسىنەن كوپ، ال، بيلل گەيتستىڭ داۋلەتىنىڭ ءۇش ەسەسىنە تاياۋ.

وسىلايشا ماسكتىڭ يندەكستەگى بايلىعى ونىڭ تۋعان وتانى وڭتۇستىك افريكانىڭ جالپى ىشكى ونىمىنەن اسىپ كەتتى. دۇنيەجۇزىلىك بانكتىڭ مالىمەتتەرى بويىنشا، ەلدىڭ ءجىو 301،9 ميلليارد دوللاردى قۇرايدى. 

ال، ماسكتىڭ بايلىعى قازاقستان ءجىو-نىڭ  (169،8 ملرد اقش دوللارى، 2020) ەكى ەسەسىندەي.

"Bloomberg" اقپاراتى كورسەتكەندەي، ماسكتىڭ تازا بايلىعى بيىل 165 ميلليارد دوللارعا وسكەن.

"ونىڭ دۇيسەنبى كۇنگى تابىستارى Tesla اكسيالارى باعاسىنىڭ 8،5%-عا وسۋىنە بايلانىستى بولدى" دەپ حابارلادى "Bloomberg". مۋلتيميللياردەر كومپانيانىڭ شامامەن 22،4% اكسياسىنا يەلىك ەتەدى.