دەنساۋلىق ساقتاۋ جۇيەسىنىڭ ساپاسى مەن تيىمدىلىگىن ارتتىرۋ – مەملەكەتتىڭ پاندەميا جاعدايىنداعى ەڭ ماڭىزدى مىندەتى. سوندىقتان بيلىك «دەنى ساۋ ۇلت» اتتى ۇلتتىق جوبا قابىلداپ، الداعى جىلدارى مەديسينا سالاسىنا مول قارجى قۇيۋدى جوسپارلاپ وتىر. بۇل قارجى نەگىزىنەن مەديسينالىق ينفراقۇرىلىمدى دامىتۋعا، بىلىكتى مامان دايارلاۋعا جانە حالىقتى دارى-دارمەكپەن قامتاماسىز ەتۋگە جۇمسالادى.

بۇل تۋرالى ق ر پرەزيدەنتى قاسىم-جومارت توقايەۆتىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جولداۋىن ءتۇسىندىرۋ ماقساتىندا وتكەن جيىندا ورتالىق ازيا يننوۆاسيالىق ۋنيۆەرسيتەتىنىڭ پەداگوگيكا، پسيحولوگيا كافەدراسىنىڭ اعا وقىتۋشىسى رايحان بەيسەكوۆا ايتتى.

– مەملەكەت ازاماتتاردىڭ ءقاۋىپسىز، ەركىن، الاڭسىز ءومىر سۇرۋىنە، ساپالى ءبىلىم الىپ، دەنساۋلىعىن كۇتۋىنە، ءوزىنىڭ ىشكى الەۋەتى مەن مۇمكىندىكتەرىن جارىققا شىعارىپ، ارماندارى مەن جوسپارلارىن جۇزەگە اسىرۋىنا قولايلى جاعداي جاساۋى ءتيىس. قاسىم-جومارت كەمەل ۇلى بيىلعى جولداۋىندا وسى جولدا اتقارىلۋى ءتيىس ىستەردى ناقتى كورسەتىپ بەردى. پرەزيدەنت بۇل مىندەتتەردى ورىنداۋ ءۇشىن ءار سالاعا قاتىستى ۇلتتىق جوبالار بەكىتىلەتىنىن ايتتى. ياعني، جولداۋدىڭ وزەگىن ادام مەن ۇلت، حالىق دەنساۋلىعى مەن ۇلتتىق مۇددە قۇرايدى دەسەك قاتەلەسپەيمىز، – دەيدى رايحان تۇزەلباي قىزى.

ايتا كەتەيىك، جيىنعا شىمكەنت قالاسى ەڭبەكشى اۋدانىندا ورنالاسقان قالالىق №5 ەمحانانىڭ قىزمەتكەرلەرى قاتىستى. باسقوسۋ كەزىندە دارىگەرلەر پرەزيدەنت جولداۋىنا قاتىستى ويلارىن ورتاعا سالىپ، وتاندىق دەنساۋلىق ساقتاۋ جۇيەسىن دامىتۋعا بايلانىستى ۇسىنىستارىن جەتكىزدى.

جالپى، شىمكەنت قالاسىندا ق ر پرەزيدەنتى قاسىم-جومارت توقايەۆتىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جولداۋى كەڭىنەن، جۇيەلى تۇردە ناسيحاتتالۋدا. اسا ماڭىزدى ساياسي قۇجاتتى تالقىلاۋعا ارنالعان وسىنداي باسقوسۋلارعا مەملەكەتتىك قىزمەتشىلەر، قۇقىق قورعاۋ ورگاندارىنىڭ، ءبىلىم بەرۋ مەن دەنساۋلىق ساقتاۋ سالاسىنىڭ قىزمەتكەرلەرى، ارداگەرلەر، زيالى قاۋىم وكىلدەرى، ەڭبەك ۇجىمدارى مەن جاستار قاتىسۋدا.