شىمكەنت قالاسىنىڭ ءال-فارابي اۋدانىندا «نۇرلى جەر» باعدارلاماسىن جۇزەگە اسىرۋ ماقساتىندا 2011 جىلدان باستاپ، جالپى 87 كوپقاباتتى تۇرعىن ۇيگە جوندەۋ جۇمىستارى جۇرگىزىلگەن.

بيىل 22 كوپقاباتتى تۇرعىن ۇيگە كۇردەلى جوندەۋ جۇمىستارىن جۇرگىزۋ ءۇشىن ۇسىنىس بەرىلدى. 7 ۇيگە قارجى ءبولىنىپ، ۇيلەردىڭ شاتىرى، سىرتقى قاسبەتى مەن ينجەنەرلىك جۇيەلەرگە جوندەۋ جۇمىستارى اتقارىلۋدا.

الداعى ۋاقىتتا 37 كوپقاباتتى تۇرعىن ۇيگە كۇردەلى جوندەۋ جۇمىستارىن جۇرگىزۋ ماقساتىندا تۇرعىنداردان 1-2 كەلىسىم حاتتامالارى ازىرلەنۋدە.

سونىمەن قاتار، بۇگىنگە دەيىن اۋدان اكىمشىلىگىنىڭ ۇيىمداستىرۋىمەن كوپقاباتتى ۇيلەردە باسقارۋدىڭ جاڭا نىسانىنا كوشۋ بويىنشا تۇرعىندارمەن 500-دەن استام جينالىس ۇيىمداستىرىلدى. ناتيجەسىندە، 53 كوپقاباتتى تۇرعىن ۇيدە مۇلىك يەلەرىنىڭ بىرلەستىگى قۇرىلىپ، قالالىق ادىلەت دەپارتامەنتىندە تىركەلدى. سونداي-اق، 295 تۇرعىن ۇيدە جاي سەرىكتەستىك قۇرىلدى.

اۋدان اۋماعىندا كوپقاباتتى تۇرعىن ۇيلەردىڭ 53 %-دان استامى جاڭا باسقارۋ تۇرىنە ءوتتى. قوسىمشا مۇلىك يەلەرىنىڭ بىرلەستىگىن قۇرۋ بويىنشا 33 كوپقاباتتى تۇرعىن ءۇيدىڭ كەلىسىم حاتتاماسى جيناقتالۋدا.