الماتى قالاسى توتەنشە جاعداي دەپارتامەنتى قازگيدرومەتتىڭ داۋىلدى ەسكەرتۋىنىڭ نەگىزىندە 4 قاراشا كۇنى الماتى قالاسىندا قار، كەي جەرلەردە كوكتايعاق بولۋى مۇمكىن ەكەنىن حابارلادى.

"اۋا تەمپەراتۋراسى تۇندە 6-8 گرادۋس اياز، كۇندىز 3-5 گرادۋسقا دەيىن ايتارلىقتاي تومەندەۋى تۋرالى حابارلايدى. وسىعان وراي اۆتوكولىك يەلەرىنە الماتى تجد كولىكتەردى اعاشتاردىڭ استىنا، ەلەكتر جەلىلەرىنىڭ جانە باسقا دا ءىلىنىپ تۇرعان قۇرىلىمداردىڭ استىنا قويماۋعا كەڭەس بەرەدى. اۆتوكولىگىڭىزدى ارنايى اۆتوتۇراقتىڭ ءقاۋىپسىز ورىندارىندا قالدىرىڭىز" دەلىنگەن اقپاراتتىق حابارلامادا.

قازگيدرومەت مالىمەتىنشە، قازاقستاننىڭ وڭتۇستىك وڭىرلەرىنەن باسقا ايماقتاردىڭ بارىندە كۇن اشىق بولادى. 4 قاراشادا وڭتۇستىك، وڭتۇستىك-شىعىس وڭىرلەردە اتموسفەرالىق فرونتتاردىڭ وتۋىنە بايلانىستى قار، تاۋلى اۋدانداردا قاتتى قار جاۋادى، جەل كۇشەيەدى، كوكتايعاق، بۇرقاسىن بولادى.

سولتۇستىك-باتىس سۋىق انتيسيكلون اسەرىنەن جاۋىن-شاشىن توقتايلدى، الايدا كۇن سۋىتادى. رەسپۋبليكانىڭ باسىم بولىگىندە تۇمان كۇتىلەدى. اۋا تەمپەراتۋراسى باتىستا تۇندە 1-6 گرادۋس سۋىق، كۇندىز 0-5 گرادۋس جىلى، وڭتۇستىكتە 3-8 گرادۋس سۋىق، كۇندىز 10 گرادۋس جىلى بولادى. سولتۇستىك-باتىستا، سولتۇستىكتە اۋا تەمپەراتۋراسى 10 گرادۋسقا دەيىن تومەندەيدى، ورتالىقتا جانە ەل شىعىسىندا تۇندە 21 گرادۋسقا دەيىن اياز بولۋ مۇمكىن. وڭتۇستىك-شىعىستا سىناپ باعانى 13 گرادۋسقا دەيىن تومەندەۋى مۇمكىن.