دەنساۋلىق ساقتاۋ مينيسترلىگى وتكەن تاۋلىكتەگى ەپيدەميولوگيالىق احۋال تۋرالى اقپاراتتى جاريالادى.
مينيسترلىك مالىمەتىنشە، كەشە پتر تەست ارقىلى 1312 ادامنان كوروناۆيرۋس، 180 ادامنان پنيەۆمونيا انىقتالعان. 17 ادام كوروناۆيرۋستان، 7 ادام پنيەۆمونيادان كوز جۇمعان.
قازاقستاندا كوروناۆيرۋسقا تاپسىرعان تەستى وڭ شىققان جاعدايلاردىڭ جالپى سانى 943 105 ادامعا جەتتى. ونىڭ ىشىندە 12 152 ادام كوروناۆيرۋستان كوز جۇمعان. 2020 جىلعى 1 تامىزدان بەرى جۇرگىزىلىپ كەلە جاتقان پنيەۆمونيا ستاتيستيكاسى بويىنشا 79839 ىندە جۇقتىرعان. 5049 ادام قايتىس بولعان.
3 قاراشاداعى مالىمەت بويىنشا 44 412 ادام كوروناۆيرۋس پەن پنيەۆمونيادان ەمدەلىپ جاتىر. ولاردىڭ ىشىندە 7 982 پاسيەنت ستاسيوناردا، 36 430 ناۋقاس امبۋلاتوريالىق دەڭگەيدە ەم قابىلداۋدا.
ىندەتكە شالدىققاندار اراسىندا 528 ادامنىڭ جاعدايى اۋىر، 164 پاسيەنتتىڭ جاعدايى وتە اۋىر، 109 ناۋقاس ءوجج اپپاراتىندا جاتىر.
3 قاراشاداعى جاعداي بويىنشا قوستاناي، پاۆلودار، اقمولا، سولتۇستىك قازاقستان وبلىستارى "قىزىل" ايماقتا. نۇر-سۇلتان، الماتى قالالارى، قاراعاندى، شىعىس قازاقستان وبلىستارى "سارى" ايماقتا. "جاسىل ايماقتا – شىمكەنت قالاسى، اقتوبە، اتىراۋ، الماتى، باتىس قازاقستان، تۇركىستان، جامبىل، قىزىلوردا، ماڭعىستاۋ وبلىستارى.
سوڭعى مالىمەتكە ساي، ەلدە 8 338 340 ادام كوروناۆيرۋسقا قارسى ۆاكسينانىڭ I كومپونەنتىن، 7 559 996 ادام ءىI كومپونەنتىن سالدىرعان.
پىكىر قالدىرۋ