بوس ۆاكانسيالار تۋرالى حابارلاندىرۋلار جاريالايتىن HeadHunter سايتىنىڭ ماماندارى قازاقستاندىقتاردان قانداي مولشەردەگى جالاقىنى "جوعارى" دەپ سانايتىنىن سۇراعان. ساۋالناماعان 2641 ادام قاتىسقان.

ساۋالنامادا جاۋاپ بەرگەندەردىڭ تەك 6 پايىزى عانا ءوز ەڭبەكاقىلارى جوعارى ەكەنىن ايتسا، 9 پايىزى "جوعارى شىعار" دەگەن. 32 پايىزى ەڭبەك اقىلارىنىڭ جاقسى ەكەنىن ايتقان. جۇمىس ىستەيتىندەردىڭ 53 پايىزى جالاقىسىن جوعارى دەپ ايتا المايتىنىن جەتكىزگەن.

HeadHunter سايتىنىڭ مالىمەتىنشە، قازىرگى ۋاقىتتا نۇر-سۇلتان قالاسىندا ۇسىنىلاتىن ەڭ جوعارى ورتاشا جالاقى 258 مىڭ تەڭگە، الماتىدا – 243 مىڭ تەڭگە.

ساۋالناماعا قاتىسقاندار قازاقستان بويىنشا 450 مىڭ تەڭگە جالاقىنى جوعارى دەپ سانايتىنىنىن ءمالىم ەتكەن. الايدا بۇل – وڭىرلەر بويىنشا ءارتۇرلى. ماسەلەن، ساۋالناماعا قاتىسقاندار نۇر-سۇلتاندا جوعارى جالاقى 560 مىڭ تەڭگە بولۋى كەرەك دەسە، الماتىدا –  540 مىڭ، قاراعاندىدا –  510 مىڭ تەڭگە بولۋ كەرەك دەگەن پىكىردە.

سونداي-اق جوعارى جالاقى قانداي بولۋى كەرەك دەگەنگە تۇرعىندار اراسىندا "جيناۋعا جەتەتىندەي، كرەديتكە كىرىپ كەتپەيتىندەي بولۋى كەرەك"، "كۆاليسيكاسيا مەن اتقارىلعان جۇمىسقا ساي بولۋعا ءتيىس"، "جىلىنا ءبىر رەت دەمالۋى جەتۋى قاجەت" دەگەن جاۋاپتار دا بولعان.

سۇرالعانداردىڭ 45 پايىزى تابىسى سوڭعى ءبىر جىلدا وزگەرمەگەنىن ايتسا، 39 پايىزىندا – جوعىرالاعان، 16 پايىزىندا – ازايعان.