بۇگىن «شاڭىراق» باعدارلاماسى اياسىندا تۇران-2 شاعىناۋدانىندا ورنالاسقان تۇرعىن ۇيلەردەگى پاتەرلەرگە تىكەلەي ساتىلىم باستالدى. وتباسى بانكى جاريالاعان اقپاراتتارعا سايكەس، ساتىلىمداعى تازا ارلەۋدەگى پاتەردىڭ 1 شارشى مەترىنىڭ باعاسى 200 000 تەڭگەنى قۇراپ وتىر. جەڭىلدەتىلگەن پايىزدىق كورسەتكىشپەن ساتىلىمداعى جالپى پاتەر سانى – 305. ونىڭ ىشىندە، 1 بولمەلى پاتەرلەر سانى – 136، 2 بولمەلى – 147، 3 بولمەلى – 22.

اتالعان تۇرعىن ۇيلەردەگى پاتەر قۇنى جوبامەن: 1 بولمەلى پاتەر 8 508 000 تەڭگەگە دەيىن؛ 2 بولمەلى پاتەر 12 438 000 تەڭگەگە دەيىن جانە 3 بولمەلى پاتەر 15 548 000 تەڭگەگە دەيىن.
⠀
نەسيەلىك باسپاناعا قول جەتكىزۋدى كوزدەگەن ازاماتتاردان وتىنىشتەر وتباسى بانكتىڭ «otbasybank.kz» ينتەرنەت-رەسۋرسى ارقىلى وسى جىلدىڭ 08-18 قاراشا ارالىعىندا قابىلدانادى.
⠀
العاشقى جارنا پاتەر قۇنىنىڭ 10 % تولەنۋ ارقىلى، نەسيە جىلدىق 5% - بەن بەرىلەدى. نەسيە مەرزىمى – 20 جىلعا دەيىن. ماكسيمالدى نەسيە سوماسى – 15 ملن تەڭگە.

ايتا كەتۋ كەرەك، اتالعان تىكەلەي ساتىلىم بويىنشا تۇرعىن ءۇي كەزەگىندە تۇرعان وتباسى بانكتىڭ سالىمشىلارى عانا ءوتىنىم تاستاي الادى. جاڭا پاتەردىڭ يەگەرى اتانۋدىڭ مۇمكىندىگىن پايدالانىپ، ءوتىنىم جولداڭىز.