شىمكەنت قالاسى جاز ايلارىندا 313-315 مۆت، جىلىتۋ ماۋسىمىندا 375 مۆت (پيك) ەلەكتر ەنەرگياسىن تۇتىنىپ وتىر.

قالا ەلەكتر ەنەرگياسىن الىپ وتىرعان ەنەرگيا كوزدەرى:
• ەكىباستۇز گرەس – 1،2 – 221 مۆت؛
• جامبىل گرەس – 40 مۆت؛
• شاردارا گەس – 50 مۆت؛
• تەس-3 – 40-121 مۆت.

بۇگىندە ەكىباستۇز گرەس-2 ەلەكتر ستانسياسىندا جوندەۋ جۇمىستارى جۇرگىزىلۋىنەن 221 مۆت ورنىنا 120 مۆت كولەمىندە، ال شاردارا گەس سۋ دەڭگەيىنىڭ تومەندەۋىنەن 50 مۆت ورنىنا 8 مۆت ەنەرگيا قۋاتىن الۋدا.

وسى سەبەپتەردىڭ نەگىزىندە قالا اۋماعىندا 5-20 مۆت ۋاقىتشا شەكتەۋلەر ورىن الىپ وتىر.

سونىمەن قاتار، اتالعان ماسەلەلەردى شەشۋ ماقساتىندا «وڭتۇستىك جارىق ترانزيت» ءجشس-ى مەن جامبىل گرەس اراسىندا كەلىسىم-شارت ءتۇزىلدى. كەلىسىمنىڭ نەگىزىندە قوسىمشا 70 مۆت ەلەكتر ەنەرگياسى الىنادى. بۇل ءوز كەزەگىندە قالانىڭ ەلەكتر ەنەرگياسىن تۇتىنۋ قاجەتتىلىگىن تولىعىمەن جاباتىن بولادى.

شىمكەنت قالاسىنىڭ اقپاراتتىق-كوممۋنيكاسيالىق ورتالىعى