شىمكەنت قالاسىنىڭ باس جوسپارىنا سايكەس، قازىرگى تاڭدا بايدىبەك بي - ارعىنبەكوۆ كوشەلەرىنىڭ قيىلىسىنداعى جولايىرىعىن سالۋ جۇمىستارى جوسپارلانۋدا. قالالىق جولاۋشىلار كولىگى جانە اۆتوموبيل جولدارى باسقارماسىنىڭ دەرەگىنشە، ماڭىزدى جوبانىڭ قۇرىلىس جۇمىستارىن تولىعىمەن اياقتاۋ مەرزىمى 2023 جىلدىڭ سوڭىنا جوسپارلانعان.
نىسان قۇرىلىسىنا جاۋاپتى مەردىگەر - «كازاحدورستروي» ج ش س. ال تەحنيكالىق قاداعالاۋشى - «يۋجكازەكسپەرت» ج ش س.
قۇرىلىستىڭ تەحنيكالىق كورسەتكىشتەرىنە سايكەس، بايدىبەك بي داڭعىلىندا 700 م، ارعىنبەكوۆ كوشەسىندە 921 م ارالىقتا جول جۇمىستارى جۇرگىزىلەتىن بولادى.
جوسپارعا سايكەس جولايرىقتا ەنى 80 مەترلى 4-6 جولاقتى جول قارالعان جانە 61 ۋچاسكەنى مەملەكەت مۇقتاجدىعىنا الۋ كوزدەلگەن. سونىمەن قوسا جول جيەگىندە 1،5 مەتر جاياۋ جۇرگىنشى جولى جانە 1 مەترلى ۆەلوجول سالىناتىن بولادى.
