تانىمال قازاقستاندىق قارجىگەر، مەتاللۋرگ جانە ساياساتكەر داۋلەت سەمبايەۆ قايتىس بولدى. 

داۋلەت سەمبايەۆ 1935 جىلى 10 تامىزدا الماتىدا تۋعان.

1958 جىلى قازاق تاۋ-كەن مەتاللۋرگيا ينستيتۋتىن ينجەنەر-مەتاللۋرگ ماماندىعى بويىنشا بىتىرگەن.

توقسانىنشى جىلدارى داۋلەت سەمبايەۆ ۇلتتىق بانك ءتوراعاسى، پرەمەر-مينيستردىڭ ورىنباسارى، سەنات دەپۋتاتى قىزمەتتەرىن اتقارعان. ول قازاقستان پرەزيدەنتىنىڭ العاشقى ەكونوميكالىق باعدارلاماسىنىڭ قوس اۆتورلارىنىڭ ءبىرى.

داۋلەت سەمبايەۆ قازاقستانداعى ۇلتتىق ۆاليۋتانى ەنگىزۋگە قاتىسقان. ەلدەگى قازىرگى بانك جۇيەسىن قالىپتاستىرۋدىڭ باسى-قاسىندا بولعان.

2009 جىلدىڭ جەلتوقسان ايىنان باستاپ حالىقارالىق بيزنەس اكادەمياسىنىڭ قامقورشىلىق كەڭەسىنىڭ مۇشەسى بولدى. وراز جاندوسوۆ، گريگوريي مارچەنكو جانە باسقا دا ەلىمىزدىڭ كورنەكتى قارجىگەرلەرى وزدەرىن سول كىسىنىڭ شاكىرتى سانايدى.