وتكەن تاۋلىكتە پتر تەست ارقىلى 1038 ادامنان كوروناۆيرۋس، 43 ادامنان پنيەۆمونيا انىقتالعان. بۇل تۋرالى دەنساۋلىق ساقتاۋ مينيسترلىگى حابارلادى.
14 قاراشاداعى دەرەك بويىنشا ءبىر كۇندە 15 ادام كوروناۆيرۋستان، 4 ادام پنيەۆمونيادان كوز جۇمعان.
ەلدە پتر سىناماسى وڭ ناتيجە كورسەتكەن جاعدايلاردىڭ رەسمي سانى 957 537-عا جەتتى. ونىڭ ىشىندە 12 434 ادام ىندەتتەن كوز جۇمعان. 2020 جىلعى 1 تامىزدان بەرى 81 182 ادام پنيەۆمونياعا شالدىققان. ونىڭ 5097ء-ى قايتىس بولعان.
ىندەتكە شالدىققاندار اراسىندا 520 ادامنىڭ جاعدايى اۋىر، 120 پاسيەنتتىڭ جاعدايى وتە اۋىر، 104 ناۋقاس ءوجج اپپاراتىندا جاتىر.
قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا ساي، 2021 جىلعى 15 قاراشاداعى جاعداي بويىنشا پاۆلودار، سولتۇستىك قازاقستان وبلىستارى "قىزىل" ايماقتا. نۇر-سۇلتان، الماتى قالالارى، اقمولا، قاراعاندى، قوستاناي وبلىستارى – "سارى" ايماقتا. شىمكەنت قالاسى، اقتوبە، اتىراۋ، الماتى، باتىس قازاقستان، تۇركىستان، جامبىل، قىزىلوردا، ماڭعىستاۋ، شىعىس قازاقستان وبلىستارى "جاسىل" ايماقتا.
15 قاراشاداعى مالىمەت بويىنشا ەلدە كوروناۆيرۋسقا قارسى ۆاكسينانىڭ I كومپونەنتىن 8 539 432 ادام، II كومپونەنتىن 7 817 732 ادام سالدىرعان.
10 قاراشا كۇنى تۇندە قازاقستانعا دۇنيەجۇزىلىك دەنساۋلىق ساقتاۋ ۇيىمى ماقۇلداعان Covid-19-عا قارسى Pfizer ۆاكسيناسىنىڭ العاشقى پارتياسى جەتكىزىلدى. كەلىسىم شەڭبەرىندە قازاقستانعا ۆاكسينانىڭ 4 ملن دوزاسى اكەلىنبەك.
ۆاكسينا 12 جاسقا تولعان بالالار مەن جۇكتى ايەلدەرگە سالىنادى دەپ جوسپارلانعان.
پىكىر قالدىرۋ