2021 جىلدىڭ جەلتوقسان ايىندا قازاقستاندىقتاردى بىرنەشە مەرەكە كۇتىپ تۇر. اپتاسىنا بەس كۇن جۇمىس ىستەيتىندەر 11 كۇن، التى كۇن جۇمىس ىستەيتىندەر 7 كۇن دەمالادى. 

جەلتوقساندا ەكى مەملەكەتتىك مەرەكە بار – تۇڭعىش پرەزيدەنت كۇنى جانە تاۋەلسىزدىك كۇنى. 

وسىعان بايلانىستى ەلدە 1 جانە 16-17 جەلتوقساندا مەرەكە تويلانادى. ەكى مەرەكەدەن كەيىن، 18 جانە 19 كۇنى سەنبى جانە جەكسەنبى بولعاندىقتان، قازاقستاندىقتار قاتارىنان 4 كۇن دەمالادى. 

2021 جىلدىڭ سوڭعى كۇنى – 31 جەلتوقسان جۇمىس كۇنى سانالادى. ول كۇن جۇماعا سايكەس كەلگەندىكتەن 1، 2، 3 جانە 4 قاڭتار كۇنى قاتارىنان دەمالىس بولادى. 

ال 7 قاڭتار روجدەستۆو مەركەسى جۇماعا سايكەس كەلەدى، سوندىقتان 7،8،9 دەمالىس كۇنى بولادى. 

ەلدە جەلتوقسان ايىندا ۇلتتىق مەيرامداردان بولەك، كاسىبي مەرەكەلەر دە اتاپ وتىلەدى:

6 جەلتوقان – پروكۋراتۋرا كۇنى؛

جەلتوقساننىڭ ءۇشىنشى جەكسەنبىسى – ەنەرگەتيك كۇنى؛

20 جەلتوقسان – مەملەكەتتىك فەلدەگەرلىك قىزمەتى كۇنى؛

22 جەلتوقسان – ءارحيۆشى كۇنى. 

2022 جىلى قازاقستاندىقتار 245 كۇن جۇمىس ىستەپ، 120 كۇن دەمالادى.