ءبىر ايدان اسا ۋاقىت اشتىق جاريالاعان گرۋزيانىڭ ەكس-پرەزيدەنتى ميحايل سااكاشۆيلي تۇرمەدە ەسىنەن تانىپ قالدى. بۇل تۋرالى ساياساتكەر ادۆوكاتتارىنىڭ ءبىرى بەكا باسيلايا حابارلادى.

– ميشا (ميحايل سااكاشۆيلي - رەد.) ادۆوكاتتارمەن كەزدەسۋدەن كەيىن شىعىپ، تايىپ، قۇلادى. وسىدان كەيىن مەن ونىڭ داۋسىن ەستىمەدىم، كوزىن اشپادى. ولار زەمبىل اكەلىپ، الىپ كەتتى. ءقازىر جاعدايى قالاي ەكەنىن بىلمەيمىن. بۇل – 10 مينۋت بۇرىن بولعان. بۇعان دەيىن ءوزىن وتە ناشار سەزىندى، – دەدى ادۆوكات بەكا باسيلايا.

ارتىنشا سااكاشۆيلي جانساقتاۋ بولىمىندە ەكەنى بەلگىلى بولدى، ونىڭ جاعدايى قالىپقا كەلگەنى حابارلاندى.

ميحايل سااكاشۆيلي 2004-2013 جىلدار ارالىعىندا گرۋزيا پرەزيدەنتى بولعان. كەيىن ۇسىتنەن بىرنەشە قىلمىستىق ءىس قوزعالعاننان كەيىن ەلدەن كەتۋگە ءماجبۇر بولعان. سوت وعان سىرتتاي ۇكىم كەسكەن. سااكاشۆيلي وزىنە تاعىلعان ايىپتىڭ ساياسي استارى بار دەپ سانايدى. ميحايل سااكاشۆيلي 1 قازاندا ءوز ەركىمەن گرۋزياعا كەلىپ، بىردەن ۇستالعان بولاتىن.