قالا اۋماعىنداعى ونەركاسىپتىك قاۋىپسىزدىكتى قامتاماسىز ەتۋ ماقساتىندا ق ر ينۆەستيسيالار جانە دامۋ ءمينيسترىنىڭ 2014 جىلعى 30 جەلتوقسانداعى №359 بۇيرىعىنىڭ تالاپتارىنا سايكەس تۇرعىن ءۇي كوممۋنالدىق شارۋاشىلىق وبەكتىلەرىنىڭ ءقاۋىپتى تەحنيكالىق قۇرىلعىلارىن ەسەپكە قويۋ بويىنشا كوپقاباتتى تۇرعىن ۇيلەردە ورناتىلعان ليفتتەرگە سىناق جۇمىستارى جۇرگىزىلدى.

بۇگىندە شىمكەنت قالاسى بويىنشا جالپى 513 ليفت پايدالانىلۋدا. ونىڭ ىشىندە، 401 ليفت كوپقاباتتى تۇرعىن ۇيلەردە ورنالاسسا، قالعاندارى دەنساۋلىق ساقتاۋ مەكەمەلەرى، ءبىلىم بەرۋ باسقارماسىنا قاراستى مەكتەپتەر، ساۋدا ورىندارىندى مەن قوناق ۇيلەردە ورنالاسقان.

قالالىق ورتا ساپاسى جانە باقىلاۋ باسقارماسى تاراپىنان بۇگىندە 112 ليفتكە سىناق جۇمىستارى جۇرگىزىلىپ، ءليفتتىڭ ءتولقۇجاتتارى تۇگەندەلىپ تىركەلدى. اتالعان قىزمەت ەلەكتروندىق تۇردە جۇرگىزىلىپ، 27 ليفت قوندىرعىلارى تىركەۋگە الىنعان.

شىمكەنت قالاسىنىڭ اقپاراتتىق-كوممۋنيكاسيالىق ورتالىعى