وتكەن تاۋلىكتە پتر تەست ارقىلى 632 ادامنان كوروناۆيرۋس، 21 ادامنان پنيەۆمونيا انىقتالعان. 4 جەلتوقساندا 16 ادام كوروناۆيرۋستان قايتىس بولعان. بۇل تۋرالى دەنساۋلىق ساقتاۋ مينيسترلىگىنىڭ ەپيدەميولوگيالىق احۋال تۋرالى كۇندەلىكتى اقپاراتتىق حابارلاماسىندا ايتىلدى.
- 359 ادامنىڭ جاعدايى اۋىر،
- 97 پاسيەنتتىڭ جاعدايى وتە اۋىر،
- 59 ناۋقاس ءوجج اپپاراتىندا جاتىر.
قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس بارلىق ءوڭىر "قىزىل" ايماقتان شىقتى. نۇر-سۇلتان قالاسى، اقمولا، قاراعاندى، پاۆلودار، قوستاناي، سولتۇستىك قازاقستان وبلىستارى "سارى" ايماقتا، الماتى، شىمكەنت قالالارى، اتىراۋ، اقتوبە، الماتى، باتىس قازاقستان، تۇركىستان، جامبىل، قىزىلوردا، ماڭعىستاۋ، شىعىس قازاقستان وبلىستارى "جاسىل" ايماقتا.
6 جەلتوقسانداعى مالىمەت بويىنشا ەلدە كوروناۆيرۋسقا قارسى ۆاكسينانىڭ ءى كومپونەنتىن 8 783 874 ادام سالدىرعان. ۆاكسينانىڭ قوس بىردەي كومپونەنتى 8 182 339 ادامعا ەگىلگەن.
پىكىر قالدىرۋ