ءوز وتىنىشىمەن ءماجىلىس دەپۋتاتى رەتىندەگى وكىلەتتىگىن توقتاتقان بەكبولات تىلەۋحان جاڭادان باراتىن قىزمەت ورنى – بۇكىلالەمدىك ەتنوسپورت كونفەدەراسياسى (WEC) نەمەن اينالىساتىنى بەلگىلى بولدى. ەكس-دەپۋتات وندا ۆيسە-پرەزيدەنت بولىپ تاعايىندالعان. بۇل تۋرالى كونفەدەراسيا باسپا ءسوز قىزمەتى حابارلادى.
باسپا ءسوز قىزمەتىنىڭ مالىمەتىنشە، حالىقارالىق ۇيىمنىڭ شتاب-پاتەرى تۇركيانىڭ ىستامبۇل قالاسىندا ورنالاسقان. ونى تۇركيا پرەزيدەنتى رەجەپ تايىپ ەردوعاننىڭ ۇلى ءبىلال ەردوعان باسقارادى. ۇيىمعا قازاقستان 2019 جىلى العاشقى تولىققاندى مۇشەسى رەتىندە قابىلدانعان. قازىرگى ۋاقىتتا ۇيىمعا الەمنىڭ كوپتەگەن ەتنوسپورت فەدەراسيالارى مۇشە.
"بەكبولات قاناي ۇلى وتكەن جىلدان بەرى كونفەدەراسيانىڭ ورتالىق ازيا كوميتەتىنە جەتەكشىلىك ەتىپ كەلەدى. اتاپ وتەيىك، 2022 جىلى IV كوشپەندىلەر ويىندارى تۇركيانىڭ بۋرسا قالاسىندا وتەدى دەپ جوسپارلانعان. بۇگىن قاۋىمداستىق پرەزيدەنتى ءوز ءوتىنىشى نەگىزىندە دەپۋتاتتىق وكىلەتتىلىگىن توقتاتىپ، پارلامەنت ءماجىلىسىنىڭ دەپۋتاتتىق مانداتىن مەرزىمىنەن بۇرىن تاپسىردى" دەلىنگەن ۇلتتىق سپورت قاۋىمداستىعى باسپا ءسوز قىزمەتى تاراتقان حابارلامادا.
پىكىر قالدىرۋ