قازاقستاننىڭ حالىق جازۋشىسى ءا.نۇرشايىقوۆتىڭ 100 جىلدىق مەرەيتويىنا وراي «ماحاببات، قىزىق مول جىلدار رومانىنداعى كەيىپكەرلەر الەمى» كوركەمسۋرەت بايقاۋى وتەدى. بايقاۋعا 2022 جىلعى 1 قاڭتاردان 1 ساۋىرگە دەيىن قاتىسۋعا بولادى. ءمۇشايرانى ءال-فارابي اتىنداعى قازۇۋ جوو دەيىنگى ءبىلىم بەرۋ فاكۋلتەتى جوو دەيىنگى دايىندىق كافەدراسى ۇيىمداستىرىپ وتىر.
بايقاۋعا ءا. نۇرشايىقوۆتىڭ «ماحاببات، قىزىق مول جىلدار» رومانىنان تاڭداپ الىنعان قىسقاشا ۇزىندىگە يلليۋستراسيا رەتىندە فوتوسۋرەتتەر مەن قولمەن سالىنعان (اكۆارەل، ماي بوياۋى، پاستەل، ت.ب. تەحنيكامەن ورىندالعان) سۋرەتتەر قابىلدانادى.
جىبەرىلگەن جۇمىستار اتالعان روماننان تاڭداپ الىنعان قىسقاشا ۇزىندىدەگى (قازاق نەمەسە ورىس تىلىندە) سيۋجەتكە تولىقتاي سايكەس كەلۋى ءتيىس. بۇل ەكى عاشىقتىڭ قول ۇستاسىپ تۇرعان جاي سۋرەتى عانا بولماۋ كەرەك.
كونكۋرسقا قاتىساتىن سۋرەتتىڭ يدەياسى مەن كوتەرگەن ماسەلەسى «ماحاببات، قىزىق مول جىلدار» رومانىنان الىنعان سيۋجەت ماتىنىنە ساي بولىپ، ونىڭ تەرەڭ مازمۇنىن بەرە الۋمەن قاتار، جۇمىستىڭ ورىندالۋ (تەحنيكالىق) شەبەرلىگى دە جوعارى بولۋى ءتيىس.
جۇمىستاردىڭ ءتۇپنۇسقاسى (سالىنعان سۋرەتتىڭ ءوزى) جانە ا4 قاعازدا باسىلعان روماننان الىنعان ءۇزىندىنىڭ ءماتىنى جانە تولتىرىلعان انكەتا مىنا مەكەنجايعا 050029 الماتى، بوگەنباي باتىر كوشەسى، 152، پولاتبەكوۆا ءاليا ماراتقىزىنا دەپ پوشتا ارقىلى جانە ەلەكتروندىق تۇردە (جۇمىستىڭ سكانەرلەگەن نۇسقاسى، ا4 قاعازدا باسىلعان روماننان الىنعان ءۇزىندى ءماتىنى جانە تولتىرىلعان انكەتا) adai75@mail.ru ەلەكتروندى پوشتاسىنا جىبەرىلۋگە ءتيىس. جۇمىستىڭ ءتۇپنۇسقاسى قايتارىلمايدى.
بايقاۋعا قازاقستاننىڭ جوو ستۋدەنتتەرى، ماگيسترانتتارى، دوكتورانتتارى قاتىسا الادى.
كونكۋرس جۇمىستارىنىڭ ساراپتاماسىن ءال-فارابي اتىنداعى قازۇۋ-دىڭ الدىڭعى قاتارلى وقىتۋشىلارى مەن پروفەسسورلارى، سونداي-اق جازۋشىنىڭ وتباسى مۇشەلەرى جۇرگىزەدى. جەڭىمپازدارعا ستيپەنديا تاپسىرىلادى. تاپسىرۋ سالتاناتى 2022 جىلعى 15 ساۋىردە ۇلتتىق كىتاپحانانىڭ كىتاپتانۋ زالىندا وتەدى. مەكەنجايى: الماتى قالاسى، اباي داڭعىلى، 14.
ەڭ ۇزدىك دەپ تانىلعان شىعارمالار جازۋشىنىڭ http://nurshaihov.kz/ru جەكە سايتىندا جاريالانادى. ستيپەنديا فوتوسۋرەت ونەرى جانە بەينەلەۋ ونەرى بويىنشا ءبىرىنشى، ەكىنشى، ءۇشىنشى ورىندارعا بەرىلەدى. سونداي-اق ىنتالاندىرۋ سىيلىقتارى دا قاراستىرىلادى.
بايقاۋدىڭ قورىتىندى جيىنىندا جەڭىمپازدار ءوز جۇمىستارىنىڭ ماقساتى مەن يدەياسىن كوپشىلىك نازارىنا ۇسىنا الادى.
بايقاۋ – 2022 تۋرالى قوسىمشا اقپارات ءالفارابي اتىنداعى قازاق ۇلتتىق ۋنيۆەرسيتەتىنىڭ سايتىندا جاريالانادى.
قاتىسۋشىنىڭ انكەتاسى
ءاتى-جونى_________________________________________________________
تۋعان جىلى ______________________________________________________
جوو اتى__________________________________________________________
فاكۋلتەت_________________________________كۋرس___________________
قاتىسۋشىنىڭ مەكەنجايى__________________________________________
ۇيالى تەلەفون______________________e-mail_______________________________
پىكىر قالدىرۋ