دەنساۋلىق ساقتاۋ مينيسترلىگى 30 جەلتوقسان كۇنگى ەپيدەميولوگيالىق جاعداي تۋرالى اقپاراتتى جاريالادى.

مينيسترلىك مالىمەتىنشە، وتكەن تاۋلىكتە پتر تەست ارقىلى 480 ادامنان كوروناۆيرۋس، 42 ادامنان پنيەۆمونيا انىقتالعان. 29 جەلتوقساندا 7 ادام كوروناۆيرۋستان، 1 ادام پنيەۆمونيادان كوز جۇمدى.

31 جەلتوقسانداعى مالىمەت بويىنشا، 16 610 ادام كوروناۆيرۋس ينفەكسياسىنان ەمدەلۋدە، ولاردىڭ ىشىندە 2 264 پاسيەنت ستاسيوناردا، 14 346 ناۋقاس امبۋلاتوريالىق دەڭگەيدە ەم قابىلداۋدا.

ىندەتكە شالدىققاندار اراسىندا 213 ادامنىڭ جاعدايى اۋىر، 71 پاسيەنتتىڭ جاعدايى وتە اۋىر، 44 ناۋقاس ءوجج اپپاراتىندا جاتىر.

قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس، نۇر-سۇلتان قالاسى "سارى" ايماقتا.

"جاسىل" ايماقتا: الماتى، شىمكەنت قالالارى، اقمولا، پاۆلودار، سولتۇستىك قازاقستان، اتىراۋ، اقتوبە، الماتى، باتىس قازاقستان، تۇركىستان، جامبىل، قىزىلوردا، قاراعاندى، قوستاناي، ماڭعىستاۋ، شىعىس قازاقستان وبلىستارى.

31 جەلتوقسانداعى مالىمەت بويىنشا 8 986 163 ادام ۆاكسينانىڭ I كومپونەنتىن، 8 515 110 ادام II كومپونەنتىن سالدىرعان.