الماتىدا 19 جاستاعى اياجان ەدىلوۆانى ءولتىردى دەپ ايىپتالعان قىلمىسكەرگە سوت ۇكىمى شىقتى.

سوت الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا جابىق جاعدايدا ءوتتى.

– سوتتالۋشى تورەبەكوۆكە قىلمىستىق كودەكستىڭ 120-بابى (زورلاۋ) بويىنشا 11 جىلعا باس بوستاندىعىنان ايىرۋ، ال 99-بابى (ادام ءولتىرۋ) بويىنشا 19 جىلعا باس بوستاندىعىنان ايىرۋ جازاسى تاعايىندالسىن. سوتتالۋشى 25 جىلعا باس بوستاندىعىنان ايىرىلادى، – دەدى سۋديا ەركىن مايشينوۆ.

جابىرلەنۋشىلەر كۇدىكتىدەن 26 ملرد  تەڭگە تۇرىندەگى مورالدىق شىعىن وتەۋدى سۇراعان. سوت تالاپتى ءىشىنارا قاناعاتتاندىرىپ تورەبەكوۆتى 20 ملن تەڭگە كولەمىندە مورالدىق شىعىن تولەۋگە مىندەتتەدى.

ەسكە سالساق، 2021 جىلدىڭ 19 ناۋرىزىندا جۇمىستان شىققان اياجان ەدىلوۆا، سول كۇيى ۇيىنە ورالماعان. قىزدىڭ جوعالعانى تۋرالى حابار 20 ناۋرىزدا تارادى. تانىستارى ونى سوڭعى رەت جۇمىستا كورگەن. ىزدەۋ جۇمىستارى بىرنەشە كۇنگە سوزىلىپ، 22 ناۋرىزدا ونى اسا قاتىگەزدىكپەن ولتىرگەنى بەلگىلى بولدى. بويجەتكەننىڭ بولشەكتەلگەن دەنەسى نۇركەنت ىقشاماۋدانىنداعى پاتەرلەردىڭ بىرىنەن تابىلعان. 

اياجاننىڭ ولىمىنە كۇدىكتى رەتىندە ەر ادام ۇستالعان. ول جابىرلەنۋشىمەن بىرگە كىرەبەرىستە بەينەباقىلاۋ كامەرالارىنا ءتۇسىپ قالعان. كۇدىكتى 1993 جىلعى تۇركىستان وبلىسىندا تۋماسى.