جۇمىس ساپارى بارىسىندا الماتى اكىمى يندۋستريالدى ايماقتىڭ دامۋ پەرسپەكتيۆالارىمەن جانە پروبلەمالىق ماسەلەلەرىمەن تانىستى.

قالا باسشىسى Hyundai Trans Kazakhstan جەڭىل اۆتوموبيل شىعاراتىن زاۋىتتىڭ جۇمىسىمەن تانىستى. كاسىپورىندا ءىرى توراپتى جانە ۇساق توراپتى قۇراستىرۋ، شاناقتى دانەكەرلەۋ، لاك-بوياۋ جابىنىن جاعۋ، ينتەرەردى ورناتۋ جانە قۇراستىرۋ بويىنشا وندىرىستىك پروسەسس جولعا قويىلعان. وتكەن جىلى زاۋىت 26 مىڭ اۆتوكولىك ءوندىردى، ەل بيۋدجەتىنە 9،4 ملرد تەڭگە سالىق اۋدارىلدى. اعىمداعى جىلى كاسىپورىن تولىق قۋاتتىلىققا شىعىپ، 45 مىڭ اۆتوكولىك شىعارۋدى كوزدەپ وتىر.

ەربولات دوسايەۆقا اۆتوكومپونەنتتەر شىعاراتىن زاۋىتتىڭ جوباسى تانىستىرىلدى. جاڭا كاسىپورىن ورىندىقتاردى، اۆتوكولىكتەرگە ارنالعان پلاستيكالىق بولشەكتەر مەن اكسەسسۋارلاردى، سونداي-اق مۋلتيمەديالىق جۇيەلەردى شىعارادى. زاۋىت قۇرىلىسى بيىلعى جىلدىڭ كۇزىنە جوسپارلانعان. كومپانيا تاعى ءبىر اۆتوموبيل زاۋىتىن سالۋ جانە شاناق بولشەكتەرىن شتامپتاۋ ءوندىرىسىن ىسكە قوسۋ جوسپارلارى تۋرالى حابارلادى. كاسىپورىن ءوندىرىستى لوكاليزاسيالاۋدى ارتتىرۋعا نيەتتى.

الماتى اكىمى جوبالىق قۋاتى جىلىنا 100 مىڭ توننا ءونىم شىعاراتىن ۇلكەن ديامەترلى Asia Steel Pipe Corporation بولات دانەكەرلى قۇبىرلار شىعاراتىن زاۋىتقا (كومپانيا دايىن ونىمدەردى وزبەكستان، تۇركمەنستان، تاجىكستان، رف، جۇڭگو، قىرعىزستان سياقتى تاياۋ شەتەلدەرگە ەكسپورتتاۋدى جوسپارلاۋدا)، قۋاتتىلىعى جىلىنا 20 ملن بىرلىك ءونىم بەرەتىن (ەكسپورتتاۋ جوسپارلانۋدا، نەگىزىنەن رف-نا) Valtherm اليۋمينيي جانە بيمەتالل رادياتورلارىن شىعاراتىن كاسىپورىنعا، قۋاتى جىلىنا7،2 مىڭ توننا كوكونىس ونىدىرەتىن BRB APK جىلىجاي كەشەنىنە (قازاقستاندىق وتكىزۋ نارىعىنان باسقا، كومپانيا ءونىمدى رف-عا جانە باا-گە ەكسپورتقا جەتكىزەدى) باردى. جالپى العاندا، بۇل جوبالارعا 71،5 ملرد تەڭگە ينۆەستيسيالاندى، 1 200-دەن استام جۇمىس ورنى قۇرىلدى.

قالا باسشىسى يندۋستريالدى ايماقتاعى ينجەنەرلىك ينفراقۇرىلىمىنىڭ جاعدايىن كوردى. بۇگىندە 2017 جىلى سالىنعان «يندۋستريالدى» تەمىرجول ستانسياسىن سوستاۆتاردىڭ جويىلۋ قاۋپىنە بايلانىستى كولىكتىك باقىلاۋ ينسپەكسياسى جاۋىپ تاستاعان. تاعى ءبىر نىسان – كىرمە تەمىرجولدار 2018 جىلى اقاۋلارىمەن قابىلداندى. تەمىرجول ستانسياسى مەن جولداردىڭ قۇرىلىسى تۇرعىندار ءۇشىن ءتيىمدى لوگيستيكانى قامتاماسىز ەتىپ، ولار وندىرەتىن ءونىمنىڭ وزىندىك قۇنىنا وڭ اسەر ەتۋى ءتيىس. ەربولات دوسايەۆ ستانسيا مەن كىرمە جولداردى پايدالانۋعا بەرۋ ءۇشىن قاجەتتى جۇمىستاردى اياقتاۋدى، سونداي-اق ولاردى قابىلداۋدىڭ اقاۋلى فاكتىلەرىن اعىمداعى جىلدىڭ 30 قازانىنا دەيىن مۇقيات شەشۋدى تاپسىردى.

الماتى اكىمى سونداي-اق 2018 جىلى سالىنعان، ءبىراق پايدالانۋعا بەرىلمەگەن نوسەر (جاڭبىر) كارىزىنىڭ جۇمىس ىستەمەيتىن جۇيەسىمەن تانىستى. قالا باسشىسى قالا اكىمدىگىنىڭ ۋاكىلەتتى باسقارمالارىنا مەردىگەر ۇيىمنىڭ مىندەتتەمەلەرىنە تەكسەرىس جۇرگىزىپ، ماتەريالداردى قۇقىق قورعاۋ ورگاندارىنا بەرۋدى تاپسىردى.

ەربولات دوسايەۆ: «ءبىز جاۋاپسىز مەردىگەردىڭ ماسەلەسىن انىقتايمىز، ءبىراق ءقازىر بىزگە نوسەرلىك كارىز جۇيەسىن رەتكە كەلتىرىپ، ونى ونەركاسىپتىك پايدالانۋعا بەرۋ ماڭىزدى»، – دەدى.

جۇمىس ساپارى بارىسىندا قالا باسشىسى يندۋستريالدى ايماقتى ەنەرگيامەن قامتاماسىز ەتۋ جونىندەگى پروبلەمالىق ماسەلەلەرمەن تانىستى. قازىرگى ۋاقىتتا №12 قوسالقى ستانسيا عيماراتى جوندەۋدى قاجەت ەتەدى، ونىڭ تىرەك كونسترۋكسيالارىندا توپىراقتىڭ تۇسۋىنە بايلانىستى جارىقتار پايدا بولعان، بۇگىندە جوندەۋ-قالپىنا كەلتىرۋ جۇمىستارىن جۇرگىزۋ قاجەت. ەربولات دوسايەۆ ولاردى اعىمداعى جىلدىڭ قىركۇيەگىنە دەيىن اياقتاۋدى تاپسىردى.  

الماتى اكىمى وڭىرلىك ۇيلەستىرۋ كەڭەسى مۇشەلەرىنىڭ، يندۋستريالدى ايماقتىڭ جۇمىس ىستەپ جاتقان جانە الەۋەتتى رەزيدەنتتەرىنىڭ قاتىسۋىمەن كەڭەس وتكىزدى. بۇگىندە يندۋستريالدى ايماقتا قىزمەت كورسەتەتىن كومپانيالاردىڭ فۋنكسيالارىن بىردەن ەكى كومپانيا ورىندايدى - بۇل «الماتىنى يندۋستريالدى ايماعى» ج ش س جانە «ايا ينفراقۇرىلىم وپەراتورى» ج ش س.

«One – stop – shop» ءپرينسيپى بويىنشا ينۆەستورلاردىڭ جۇمىسىن جەڭىلدەتۋ ءۇشىن "الماتىنىڭ يندۋستريالدى ايماعى" ج ش س اتىنان ءبىر ۋاكىلەتتى وپەراتوردى قالدىرۋدى تاپسىرامىن، وزگەگە بەرىلگەن فۋنكسيالار مەن اكتيۆتەردى كومپانياعا قايتارۋ قاجەت. وسى ناقتى جاعدايدا ءبىر وپەراتور يندۋستريالدى ايماقتى دامىتۋ جانە قولداۋ ماقساتىندا جۇمىس ىستەيتىن بولادى»، – دەپ اتاپ ءوتتى ەربولات دوسايەۆ.

كەڭەس بارىسىندا يندۋستريالدى ايماقتىڭ اۋماعىن كەڭەيتۋ، ءبىر ءبىلىم بەرۋ كلاستەرى بازاسىندا كادرلار دايارلاۋ، سونداي-اق قالا تۇرعىندارىن كاسىپورىندارعا جۇمىسقا ورنالاستىرۋ ماسەلەلەرى تالقىلاندى.

اعىمداعى جىلى جالپى سوماسى 13،3 ملرد تەڭگە بولاتىن 13 جوبانى ىسكە اسىرۋ جوسپارلانعان، ال 2025 جىلعا قاراي وندىرىستىك ءۇي-جايلاردىڭ جالپى اۋدانى 250 مىڭ شارشى مەتر بولاتىن تاعى 40 وندىرىستىك پاركتى پايدالانۋعا بەرۋ جوسپارلانۋدا.