قاڭتار وقيعاسى كەزىندەگى ازاپتاۋ فاكتىلەرى تۋرالى "ناس ۋبيۆالي Qizil qantar" دەپ اتالاتىن ميني-فيلم جارىق كوردى. ءفيلمدى قاڭتارداعى وقيعالار كەزىندە قامالىپ، ازاپتالعان ازاماتتار ءوز مۇمكىندىكتەرىمەن جاساپ شىققان.
ءفيلمدى تۇسىرۋشىلەردىڭ ءبىرى سايات ادىلبەك ۇلى شاعىن تۋىندى ارقىلى سول كەزدەگى وقيعالاردى قايتا قۇراستىرىپ، تەرگەۋ يزولياتورىنداعى سۇمدىق كۇندەردىڭ اتموسفەراسىن جەتكىزۋگە تىرىسقاندارىن ايتادى.
"وق ءتيىپ جارالانۋ، اۋرۋحانادان الىپ كەتۋ، سي-18 يزولياتورىنداعى ازاپتاۋ، قىلمىستىق ىستەردى قولدان قۇراستىرۋ. ءبىز باستان وتكەرگەن وسى سۇمدىقتاردى ەشقانداي سوزبەن جەتكىزۋ مۇمكىن ەمەس. ءبىزدىڭ شاعىن ءفيلمى وقيعانى كوز الدىعا ەلەستەتىپ قانا قويماي، اۋىر ازاپتاۋعا ۇشىراعانىن ايتۋعا باتىلى جەتپەي جۇرگەندەرگە كومەكتەسەدى دەپ ۇمىتەنەمىز. بەيبىت ادامداردى اتقاندار، ازاپتاعاندار ءالى كۇنگە دەيىن بوستاندىقتا ءجۇر، قىزمەتىن ىستەپ جاتىر. ولگەندەردىڭ، جارالانعانداردىڭ، ۇستالعانداردىڭ ءاتى-جونى ءالى ايتىلمادى. ءبىز ەندى بۇنداي جاعداي قايتالانبايتىنىنا سەنگىمىز كەلەدى. بۇل – بارىمىزگە بايلانىستى. سوندىقتان ءبىز ءۇنسىز قالمايمىز، سىزدەر دە ءۇنسىز وتىرماڭىزدار" دەيدى سايات ادىلبەك ۇلى الەۋمەتتىك جەلىدە
ءفيلمدى كورۋ ءۇشىن مىنا جەردى باسىڭىز.
پىكىر قالدىرۋ