حالىق ءوز تاڭداۋى ارقىلى ەلىمىزدىڭ ساياسي دامۋىنىڭ جاڭا كەزەڭىنە قادام جاسايدى. رەفەرەندۋمنىڭ وتەتىن ۋاقىتى بەلگىلى. ونى وتكىزۋ ءتارتىبى قانداي، ول جاستارعا نە بەرەدى؟ ەل ءۇشىن ماڭىزى قانداي؟ بۇگىن سىر وڭىرىندەگى جۇمىس ساپارى بارىسىندا ءماجىلىس دەپۋتاتى عالىم امىرەيەۆ جاس سايلاۋشىلارمەن كەزدەسىپ، رەفەرەندۋمنىڭ ءمان-جايىن ءتۇسىندىردى.
– وزگەرىس وزىمىزگە كەرەك. كونستيتۋسيامىزعا ەنگىزىلەتىن وزگەرىستەردى بەكىتۋ ءۇشىن وتەتىن رەفەرەندۋمنىڭ ءمانى مەن ماڭىزى وسىندا. ەلدەگى رەفورمالارعا قۇقىقتىق نەگىز بولاتىن وزگەرىستەر حالىق تالقىسىنا سالىنىپ وتىر. ەندەشە، ونى قولداپ، داۋىس بەرۋ ەلگە جۇكتەلگەن جاۋاپكەرشىلىك. تاۋەلسىز قازاقستاننىڭ ەڭ باستى قۇجاتى – كونستيتۋسياسى. ال ونداعى جازىلعان ءاربىر ءسوز، ءاربىر تىنىس بەلگىسى ماڭىزدى ءرول اتقاراتىنىن جاستار ءتۇسىنۋى كەرەك. قازىردەن ەلدەگى ورىن الىپ جاتقان وزگەرىستەردى دۇرىس سارالاپ، وي ءتۇيىپ، نەمقۇرايلىلىق تانىتپاۋ قاجەت، – عالىم امىرەيەۆ.
جيىن بارىسىندا رەسپۋبليكالىق شتاب مۇشەسى بازارا تانبايەۆا ءاربىر جاس قازاقستان ازاماتى رەفەرەندۋمعا قاتىسۋدىڭ ماڭىزدىلىعىن سەزىنۋى ءتيىس ەكەنىن ايتىپ، بارلىق جاستاردى ساياسي ناۋقانعا بەلسەنە قاتىسۋعا شاقىردى.
جالپى كەزدەسۋدە جاستار ءماجىلىس دەپۋتاتىنا كوكەيلەرىندەگى ساۋالدارىن قويىپ، ءوزارا پىكىر الىستى.
ماتەريال "AMANAT" پارتياسىنىڭ قاراعاندى وبلىستىق فيليالدارىنىڭ اقپاراتى بويىنشا ازىرلەندى
پىكىر قالدىرۋ