ءماجىلىس دەپۋتاتتارى عالىمجان ەلەۋوۆ، امانعالي بەردالين «قازاقتەلەكوم» اق اقتوبە وبلىستىق فيليالى ۇجىمىمەن كەزدەستى. وندا ەلىمىز تۇبەگەيلى وزگەرىستەردىڭ الدىندا تۇرعانىن ايتىپ، ونىڭ نەگىزگى قوزعاۋشى كۇشى — كونستيتۋسيالىق رەفورمالار ەكەنىن ايتتى.
– ءبىز ەڭبەك ۇجىمدارىمەن مەديسينا، مادەنيەت قىزمەتكەرلەرىمەن جانە پەداگوگتارمەن كەزدەسۋدەمىز. ماقساتىمىز كونستيتۋسياعا ەنگىزىلەتىن وزگەرىستەر مەن تولىقتىرۋلاردى ءتۇسىندىرۋ. الداعى كونستيتۋسيالىق رەفورما بيلىك تارماقتارى اراسىنداعى قارىم-قاتىناس تەڭگەرىمىن وڭتايلاندىرادى. حالىقتىڭ ەلدى باسقارۋعا قاتىسۋىن كەڭەيتەدى، ازاماتتاردىڭ كونستيتۋسيالىق قۇقىقتارىن قورعاۋدى كۇشەيتەدى. ءبىزدىڭ ءارقايسىمىز وسى مۇمكىندىكتى پايدالانۋىمىز كەرەك، – دەدى عالىمجان ەلەۋوۆ.
امانعالي بەردالينءنىڭ پىكىرىنشە وسىنداي كەزدەسۋلەردەن پرەزيدەنتتىڭ ساياساتى مەن رەفورمالارىنا دەگەن حالىقتىڭ قولداۋى ايقىن كورىنەدى. بۇل مەملەكەتتىڭ ءادىلەتتى قازاقستان قۇرۋداعى باعىتىنىڭ دۇرىستىعىنىڭ جارقىن كورىنىسى.
– كونستيتۋسياعا ەنگىزىلەتىن وزگەرىستىڭ ىشىندە ەلىمىزدىڭ سۋپەرپرەزيدەنتتىك باسقارۋدان تۇبەگەيلى باس تارتىپ، پرەزيدەنتتىك رەسپۋبليكا مودەلىنە ءوتۋى، بارلىق پارتيالارعا تەڭ مۇمكىندىك اشىلۋى، دەموكراتيالىق قوعامنىڭ كۇشەيۋى، ەلدى جاڭا كەزەڭگە ءوتۋىنىڭ كەپىلى دەپ بىلەمىن. بارلىق اقتوبەلىكتەردى ساياسي ناۋقانعا اتسالىسىپ، داۋىس بەرۋگە شاقىرامىن، – دەدى امانعالي بەردالين.
«قازاقتەلەكوم» اق اقتوبە وبلىستىق فيليالىندا قازىرگى تاڭدا 465 ادام جۇمىس جاسايدى. ۇلكەن ەڭبەك ۇجىمى مەملەكەت باسشىسى قاسىم-جومارت توقايەۆتىڭ رەفورمالارىن قولدايتىنىن ايتىپ، ساياسي ناۋقاننان ۇلكەن ءۇمىت كۇتەتىنىن جەتكىزدى.
«AMANAT» پارتياسىنىڭ اقتوبە وبلىستىق فيليالىنىڭ اقپاراتى بويىنشا
پىكىر قالدىرۋ