قىزىلوردا وبلىسىندا جۇمىس ساپارىمەن جۇرگەن «AMANAT» پارتياسىنىڭ مۇشەلەرى، ءماجىلىس دەپۋتاتتارى باقىتبەك سماعۇل مەن گەنناديي شيپوۆسكيح جالاعاش اۋدانىنداعى جەتەكشى شارۋاشىلىقتاردىڭ ءبىرى «تاڭ LTD» ەڭبەك ۇجىمىمەن كەزدەستى.
الدىمەن شارۋشىلىق جۇمىسىمەن تانىسقان دەپۋتاتتار ەڭبەك ۇجىمىنا رەفەرەندۋمنىڭ ماڭىزدىلىعىن، اتا زاڭعا ەنگىزىلەتىن تۇزەتۋلەر مەن تولىقتىرۋلار تۋرالى ءتۇسىندىردى.
ءوز كەزەگىندە ءماجىلىس دەپۋتاتى گەنناديي شيپوۆسكيح رەفەرەندۋمنىڭ ماڭىزدىلىعى مەن ادام قۇقىقتارىنىڭ قورعالۋى باعىتىندا ەنگىزىلەتىن وزگەرىستەرگە توقتالدى.
سونداي-اق ءىس-شاراعا قاتىسقان وبلىستىق، اۋداندىق شتاب مۇشەلەرى رەفەرەندۋم قوعامنىڭ جالپى كوزقاراسىن، پىكىرىن تانۋعا، ساياسي بىلىكتىلىگىن ارتتىرۋعا، تۇيتكىلدى ماسەلەلەردءى تالقىلاپ، وڭتايلى شەشىم شىعارۋعا ارنالعان جۇيە ەكەنىدىگىن اتاپ ءوتتى.
كەزدەسۋ بارىسىندا سەرىكتەستىك قىزمەتكەرلەرى وزدەرىن تولعاندىرعان سۇراقتارىن قويدى. ءىس-شارا سوڭىندا «تاڭ LTD» ۇجىمى ۇسىنىلعان وزگەرىستەرگە قولداۋ ءبىلدىرىپ، رەفەرەندۋمعا قاتىسۋعا دايىن ەكەندىكتەرىن ايتتى.
«AMANAT» پارتياسىنىڭ قىزىلوردا وبلىستىق فيليالىنىڭ اقپاراتى بويىنشا
پىكىر قالدىرۋ