ءماجىلىس دەپۋتاتتارى، «AMANAT»پارتياسىنىڭ مۇشەلەرى بەرىك ءابدىعالي ۇلى مەن يۋريي جۋلين قاراعاندى وبلىسىنا ساپارىن شالعاي اۋىلداردى ارالاۋدان باستاپ، بۇگىن «ارسەلورميتتال تەمىرتاۋ» اق مەتتاللۋرگيالىق كومبيناتىنىڭ ۇجىمىمەن كەزدەستى.
دەپۋتاتتار مەتاللۋرگتەرمەن كونستيتۋسيانىڭ ەل دامۋىنداعى ءرولىن جانە جاڭا قازاقستاندى قۇرۋداعى كونستيتۋسيالىق رەفورمانىڭ ماڭىزدىلىعىن تالقىلادى.
يۋريي جۋلين كونستيتۋسيالىق رەفورما اۋقىمدى جانە تۇبەگەيلى وزگەرىستەرگە جول اشاتىنىن اتاپ ءوتتى.
– كونستيتۋسيالىق سوتتىڭ قۇرىلۋى ازاماتتاردىڭ وزدەرىنىڭ كونستيتۋسيالىق قۇقىقتارىن قورعاۋ مۇمكىندىكتەرىن كەڭەيتەدى. كونستيتۋسياعا ەنگىزىلەتىن وزگەرىستەر كونستيتۋسيالىق كەڭەستىڭ وكىلەتتىگىن كەڭەيتپەيدى، كەرىسىنشە، قۇقىقتارى مەن مۇددەلەرىنە نۇقسان كەلتىرىلگەن دەپ سانايتىن ازاماتتارعا ماسەلەنى قاراۋ ءۇشىن تىكەلەي كونستيتۋسيالىق سوتقا جۇگىنۋگە قۇقىق بەرەدى. بۇعان دەيىن كونستيتۋسيالىق كەڭەس پرەزيدەنتتىڭ جانە ءماجىلىس دەپۋتاتتارىنىڭ 2/3ء-ىنىڭ ساۋالى بويىنشا وسى نەمەسە وزگە زاڭنىڭ كونستيتۋسياعا قانشالىقتى سايكەس كەلەتىنى جونىندە تۇسىنىكتەمە بەرگەن بولاتىن. ەندى كونستيتۋسيالىق سوت ءاربىر قازاقستاندىققا قابىلدانعان شەشىمنىڭ ايقىندىعى تۇرعىسىنان قورىتىندى الۋ ءۇشىن جوعارى قاداعالاۋ ورگانىنا جۇگىنۋ قۇقىعىن بەرەتىن بولادى، - دەءدى.
ءوز كەزەگىندە بەرىك ءابدىعالي ۇلى رەفەرەندۋمدى ماڭىزدى ساياسي وقيعا ەكەنىن اتاپ ءوتتى.
– مەملەكەت باسشىسىنىڭ مالىمدەۋىنشە، قازاقستان تاريحىنداعى جاڭا تاراۋدى كونستيتۋسياعا تۇزەتۋلەر اشادى. قوعامنىڭ جانە ەلدىڭ ومىرىنە جان-جاقتى اسەر ەتەتىن ەلدىڭ ساياسي جۇيەسىن قايتا ىسكە قوسۋدىڭ ءورشىل ماقساتتارى قويىلعان، – دەءدى دەپۋتات.
ال «ارسەلورميتتال تەمىرتاۋ» اق ءۇشىنشى دومنا پەشى ۋچاسكەسىنىڭ جەتەكشىسى مارلەن بايبۋسينوۆ زاڭعا ەنگىزىلگەن تولىقتىرۋلار مەن تۇزەتۋلەر تۋرالى ايتىپ، رەفەرەندۋمعا ءوز قولداۋىن ءبىلدىردى.
– ءبىز كوپتەگەن جىلدار بويى ەلدەگى حالىق پەن دەموكراتيا ساناسىنىڭ وزگەرۋى تۋرالى ايتىپ كەلەمىز. سوندىقتان رەفەرەندۋم بۇعان ىقپال ەتەدى دەپ سانايمىن. مەن رەفەرەندۋمدى قولداۋ ءۇشىن مىندەتتى تۇردە 5 ماۋسىمدا ءوزىمنىڭ سايلاۋ ۋچاسكەمە بارامىن، - دەءدى مەتاللۋرگ.
كەزدەسۋگە قاتىسۋشىلار ۇسىنىلىپ وتىرعان جاڭا وزگەرىستەرگە تالداۋ جاساپ، كونستيتۋسيالىق رەفورمانىڭ ماڭىزدىلىعىن، ونىڭ ىشىندە ازاماتتاردىڭ مەملەكەتتى باسقارۋعا قاتىسۋىن كەڭەيتۋ، قۇقىق قورعاۋ سالاسىن نىعايتۋ ماسەلەلەرىن تالقىلادى. مەتاللۋرگتەر دە زەينەت جاسىن تومەندەتۋ مۇمكىندىگى تۋرالى ءوز ۇسىنىستارىن ايتتى.
«AMANAT» پارتياسىنىڭ قاراعاندى وبلىستىق فيليالىنىڭ اقپاراتى بويىنشا
پىكىر قالدىرۋ