قازگيدرومەت الداعى كۇندەرى قازاقستاننىڭ كوپتەگەن وڭىرلەرىنە وڭتۇستىك سيكلون اسەر ەتىپ، اۋا رايى تۇراقسىز بولاتىنىن ءمالىم ەتتى.

6 شىلدەدە سولتۇستىك-باتىستا، رەسپۋبليكانىڭ ورتالىعىندا قاتتى جاڭبىر جاۋىپ، نايزاعاي وينايدى دەپ كۇتىلىپ وتىر، بۇرشاق جاۋۋى مۇمكىن. 7 شىلدەدە ەلدىڭ باتىس وڭىرلەرىندە جوعارى اتموسفەرالىق قىسىم اسەرىنەن جاۋىن-شاشىننىڭ توقتاۋى ىقتيمال.

اۋا تەمپەراتۋراسىنىڭ كۇندىز باتىستا +18+26°س-تان +23+31°س-قا دەيىن، سولتۇستىك-باتىستا، سولتۇستىكتە +15+23°س-تان +20+28°س-قا دەيىن جوعارىلاۋى مۇمكىن دەپ بولجانىپ وتىر.

ماڭعىستاۋ وبلىسىندا +23+28°س، ماڭعىستاۋ وبلىسىنىڭ وڭتۇستىگىندە +31°س، ەلدىڭ ورتالىعىندا +20+28°س، قاراعاندى جانە ۇلىتاۋ وبلىستارىنىڭ وڭتۇستىگىندە +33°س، رەسپۋبليكانىڭ شىعىسىندا اۋا تەمپەراتۋراسى +22+29°س، شىعىس قازاقستان وبلىسىنىڭ وڭتۇستىگىندە +33°س ىستىق بولادى دەپ كۇتىلەدى.

قازاقستاننىڭ وڭتۇستىگىندە اۋا تەمپەراتۋراسى +30+37°س-تان +25+33°س-قا دەيىن تومەندەۋى، ەلدىڭ وڭتۇستىك-شىعىسىندا اۋا تەمپەراتۋراسى +28+33°س، تاۋلى اۋدانداردا +23°س بولادى دەپ بولجانىپ وتىر.