قالالىق ءماسليحاتتىڭ كەزەكتەن تىس سەسسياسىندا وبلىس ورتالىعىنىڭ باسشىسى قىزمەتىنە ۇسىنىلعان رۋسلان انبايەۆتىڭ كانديداتۋراسى قارالىپ، داۋىس بەرۋ ناتيجەسىندە رۋسلان اڭبايەۆ پەتروپاۆلدىڭ اكىمى بولىپ تاعايىندالدى.
رۋسلان انبايەۆ 1978 جىلى سولتۇستىك قازاقستان وبلىسىندا دۇنيەگە كەلگەن. قوزىبايەۆ اتىنداعى مەملەكەتتىك ۋنيۆەرسيتەتتى "ەكونوميست-مەنەدجەر" ماماندىعى بويىنشا بىتىرگەن. بۇدان بولەك، اگرونوم مەن زاڭگەر ماماندىقتارى بويىنشا ديپلومى بار.
ەڭبەك جولىن 1999 جىلى تيميريازيەۆ اۋدانى بويىنشا سالىق كوميتەتىندە اۋديت ءبولىمىنىڭ ينسپەكتورى بولىپ باستاعان.
2002-2015 جىلدارى وسى وڭىردە سالىق ورگاندارىندا سان الۋان قىزمەتتەر اتقاردى.
2015-2019 جىلدارى سولتۇستىك قازاقستان وبلىسى اكىمى اپپاراتى باسشىسىنىڭ ورىنباسارى بولدى. ودان كەيىن ءبىر جىلداي مامليۋت اۋدانىن باسقاردى. وسى ۋاقىتقا دەيىن تايىنشا اۋدانىنىڭ اكىمى قىزمەتىن اتقاردى.
قالانىڭ بۇرىنعى اكىمى بولات جۇمابەكوۆ ماۋسىم ايىندا ءوز ەركىمەن وتستاۆكاعا كەتكەن. ول پەتروپاۆل قالاسىن ەكى رەت باسقاردى. 2012 جىلى اقپان ايىنان باستاپ 2013 جىلدىڭ مامىر ايىنا دەيىن، ودان كەيىن 2019 جىلعى كوكتەمدە تاعى قالا اكىمى قىزمەتىنە تاعايىندالعان.
پىكىر قالدىرۋ