پرەزيدەنت ق.توقايەۆ قوستاناي وبلىسىندا ورمان ورتىنەن زارداپ شەككەن ازاماتتارمەن كەزدەستى، دەپ حابارلادى اقوردانىڭ باسپا ءسوز قىزمەتى.
ق.توقايەۆ ورمان ورتىنەن زارداپ شەككەن امانقاراعاي اۋىلىنىڭ اۋماعىن ارالاپ، اۋليەكول اۋىلىنداعى مەكتەپتە ورنالاسقان ەۆاكۋاسيالاۋ پۋنكتىندە زارداپ شەككەن ازاماتتارمەن كەزدەسىپ، گۋمانيتارلىق كومەك تاراتۋ پۋنكتىنىڭ جۇمىسىمەن تانىسقان.
زارداپ شەككەندەرمەن كەزدەسۋ بارىسىندا قاسىم-جومارت توقايەۆ ۇكىمەت قيىن جاعدايدى ەڭسەرۋ ءۇشىن بارلىق شارالاردى قابىلدايتىنىن ايتتى.
– وكىنىشكە قاراي، ۇلكەن ءورت بولدى. دەگەنمەن ءتيىستى كومەك كورسەتىلەدى. سىزدەردىڭ باسپاناسىز قالعاندارىڭىزدى بىلەمىن. ۇكىمەت ەكى، ەكى جارىم ايدا سىزدەرگە بۇرىنعىدان الدەقايدا جاقسى جاڭا ۇيلەر سالىپ بەرەدى، – دەدى پرەزيدەنت.
پىكىر قالدىرۋ