سىبايلاس جەمقورلىققا قارسى قىزمەت گۇلميرا ساتىبالدىنىڭ ىسىنە بايلانىستى كەي دەرەكتەردى جاريالادى.
انتيكور مالمەتىنشە، قازىرگى ۋاقىتتا كۇتىكتىنىڭ باقىلاۋىنداعى "اريا-جاڭا استانا" ج ش س كومپانياسىنىڭ باسشىلىعىنا جانە مەملەكەتتىك ورگانداردىڭ لاۋازىمدى تۇلعالارىنا قاتىستى وبەكتىلەردى سالۋعا بولىنگەن بيۋدجەت قاراجاتىن جىمقىرۋ فاكتىلەرى بويىنشا تەرگەۋدى جالعاسىپ جاتىر.
"بىرنەشە وبەكتىلەر بويىنشا ءىس جۇزىندە ورىندالماعان قۇرىلىس-مونتاجداۋ جۇمىستارىنا اقى تولەۋ ناتيجەسىندە مەملەكەتكە جالپى سوماسى 3،9 ميليارد تەڭگەگە اسا ءىرى مولشەردە زالال كەلتىرىلدى. تەرگەۋ ساتىسىندا قابىلدانعان شارالارمەن مەملەكەتكە كەلتىرىلگەن زالال تولىق وتەلدى. سونىمەن قاتار، گ.ساتىبالدى مەن ونىڭ سەنىمدى تۇلعالارىنا قاتىستى ءبىرقاتار كاسىپورىنداردىڭ قاتىسۋ ۇلەستەرى مەن اكتيۆتەرىن زاڭسىز يەلەنۋ، ادامدى ۇرلاۋ جانە باس بوستاندىعىنان زاڭسىز ايىرۋ فاكتىلەرى بويىنشا تەرگەۋ جۇرگىزىلۋدە. جابىرلەنۋشىلەرگە كەلتىرىلگەن زالالدىڭ الدىن الا سوماسى 6،6 ميليارد تەڭگەدەن اسادى. كۇدىكتى ادامدار قاماۋدا. تەرگەۋ جالعاسىپ جاتىر" دەلىنگەن اقپاراتتىق حابارلامادا.
پىكىر قالدىرۋ