2023 جىلعى 1 قاڭتاردان باستاپ ايلىق ەسەپتىك كورسەتكىش مولشەرى 3063 تەڭگەدەن 3450 تەڭگەگە وسەتىنىنە بايلانىستى، ايىپپۇل مولشەرى دە ارتادى. Kolesa.kz ماماندارى اەك مولشەرى ەڭ ءجيى ۇشىراساتىن ايىپپۇلدار كولەمىنە قالاي اسەر ەتەتىنىن ەسەپتەپ كوردى.

مىسالى، تۇراق اقىسىن تولەمەگەنى ءۇشىن سالىناتىن ەڭ تومەنگى ايىپپۇل (3 اەك) 9189 تەڭگەدەن 10 350 تەڭگەگە وسەدى. جۇرگىزۋشىلەر جىلدامدىقتى 10-20 كم/ساع اسىرعانى ءۇشىن (5 اەك) ەندى 15 315 تەڭگە ەمەس، 17 250 تەڭگە تولەيدى. ال باعدارشامنىڭ قىزىل تۇسىنە وتكەنى ءۇشىن سالىناتىن ايىپپۇل (10 اەك ) 30 630-دان 34 500 تەڭگەگە كوتەرىلەدى.

كولىكتى باستاپقى تىركەۋ اقىسىنىڭ ەڭ تومەنى (0.25 اەك) 765.75-تەن 862.5 تەڭگەگە، ال ەڭ جوعارىسى (500 اەك) 1 531 500-دەن 1 725 000 تەڭگەگە دەيىن جوعارىلايدى.

قوزعالتقىش كولەمى 1000 سم³-گە دەيىنگى جەڭىل كولىك ءۇشىن ۋتيل الىمىنىڭ مولشەرى 229 725 تەڭگەدەن 258 750 تەڭگەگە، ال قوزعالتقىش كولەمى 3001 سم³-دەن جوعارى جەڭىل ماشينا ءۇشىن 1 761 225 تەڭگەدەن 1 983 750 تەڭگەگە وسەدى.

قوزعالتقىش كولەمى 1100 سم³-گە دەيىنگى م1 ساناتىنداعى ماشينادان الىناتىن ەڭ تومەنگى كولىك سالىعى (1 اەك) 3063 تەڭگەدەن 3450 تەڭگەگە وسەدى. ال كولەمى بەس ليتردەن اساتىن ماشينا ءۇشىن (200 اەك) 612 600 ەمەس، 690 000 تەڭگە سالىق تولەۋگە تۋرا كەلەدى.

سونداي-اق 1 قاڭتاردان باستاپ ساقتاندىرۋ ءپوليسىنىڭ قۇنى ارتادى، سەبەبى بازالىق ساقتاندىرۋ سىياقىسى (1.9 اەك) 5819.7 تەڭگەدەن 6555 تەڭگەگە جوعارىلايدى.