سولتۇستىك قازاقستان وبلىسى ايىرتاۋ اۋدانىندا جايىلىپ جۇرگەن جىلقىلار بارچي كولىنە باتىپ كەتكەن. بۇل تۋرالى Polisia.kz ينتەرنەت رەسۋرسى حابارلادى.
2 جەلتوقساندا سقو ايىرتاۋ اۋدانىنىڭ پوليسيا بولىمىنە ءالجان اۋىلىندا تابىنداعى 50 جىلقى جوعالىپ كەتكەنى تۋرالى اقپارات جەتكەن. حابارلاعان.
ىزدەۋ شارالارى بارىسىندا جوعالعان جىلقىلار بارچي كولىنەن مۇز ىشىندە قاتقان كۇيىندە تابىلعان.
"الدىن الا بولجام بويىنشا، جىلقىلار باقتاشى بولماعان كەزدە كولدەگى مۇز ۇستىمەن جۇرگەن. كەيىن مۇز جارىلىپ، سۋعا باتىپ كەتكەن. اتالعان فاكتى بويىنشا ايىرتاۋ اۋدانىنىڭ پوليسيا بولىمىنە ارىزدار كەلىپ تۇسپەدى. قازىرگى ۋاقىتتا پوليسەيلەر بولعان وقيعانىڭ بارلىق ءمان-جايىن تەكسەرۋدە، ولگەن جانۋارلاردىڭ ناقتى سانى انىقتالىپ جاتىر" دەلىنگەن حابارلامادا.
پىكىر قالدىرۋ