رەسەيلىك كاسىپكەر شاميل الياۋيدينوۆ قازاقستانداعى بيزنەس-فورۋمدارعا قاتىسىپ، جانكۇيەرلەرىمەن كەزدەسۋ وتكىزىپ ءجۇر، دەپ جازدى informburo.kz. پورتالى.
4 جەلتوقساندا استانا قالاسىندا "نوۆايا رەالنوست" اتتى بينەس-فورۋم وتكەن. شاراعا رەسەيلىك كاسىپكەر دە قاتىسۋى كەرەك بولاتىن. الايدا ونىڭ رەسەي مەن ۋكراينا سوعىسىنا قازاقستاننىڭ رەاكسياسى تۋرالى ايتقان پىكىرلەرى قازاقستاندىقتاردىڭ نارازىلىعىن تۋعىزىپ، شاميل الياۋتدينوۆ استاناداداعى كەزدەسۋگە قاتىسپايتىنىن حابارلاعان.
"قۇرمەتتى قازاقستاندىقتار! 4 جەلتوقساندا استانادا وتەتىن ترەنينگكە مەن بارمايمىن. ۇيىمداستىرۋشىلار مەن سپيكەرلەرگە كەدەرگى جاساپ، قوسىمشا نارازىلىق تۋعىزىپ بەرگىم كەلمەيدى. ال وسىنى ۇيىمداستىرىپ، ماعان قارسى اقپاراتتى ءبىرىنشى تاراتقاندار، وتىرىك پەن ايىپتاۋدى ۇيىمداستىرۋشىلارعا ايتارىم – سىزدەرگە قۇداي تورەشى! قازىرگى زاماندا ءسوز تالاستىرىپ، كىنالىنى ىزدەپ ۋاقىت كەتىرۋدىڭ قاجەتى جوق. تەك قانا العا قاراي جىلجىپ، ءوز ماقساتتارىمىز ءۇشىن جۇمىس ىستەۋدى جالعاستىرامىز. ال وسى وقيعانى پايدالانىپ، ارانداتقان حەيتەرلەر ءشىرىپ ولەتىن بولادى" دەپ ايتقان ەدى ول.
الايدا قازاقستاندىق كاسىپكەر ءارى بلوگەر اناتوليي دانيلوۆ facebook پاراقشاسىنا شاميل الياۋتدينوۆپەن تۇسكەن سۋرەتىن جاريالاعانىنان 6 جەلتوقساندا الياۋتدينوۆ الماتىعا كەلگەنى بەلگىلى بولدى.
سويتسە، كاسىپكەر قازاقستاندىقتاردىڭ نارازىلىعىنان كەيىن دە قازاقستانعا بىرنەشە رەت كەلگەن. 13 قاراشادا اقتوبە قالاسىندا وتكەن "نا ستۋپەن ۆىشە" بيزنەس-فورۋمىندا سپيكەر بولعان. اتالعان شاراعا ونىڭ ايەلى زيليا الياۋتدينوۆا دا قاتىسقان. ءتىپتى رەسەيلىك ءدىنتانۋشى اقتوبە وبلىسىنىڭ اكىمى ەرالى توعجانوۆپەن كەزدەسىپ ۇلگەرگەن.
پوسموترەت ەتۋ پۋبليكاسيۋ ۆ Instagram
بۇدان بولەك شاميل الياۋتدينوۆ جەكە ۆەبينارىنىڭ قاتىسۋشىلارىمەن دە كەزدەسۋ وتكىزگەن. كەزدەسۋدىڭ ءبىرى استانادا 3 جەلتوقساندا وتسە، ەكىنشىسى 6 جەلتوقساندا وتكەن.
پىكىر قالدىرۋ