"ديكيي ارمان" لاقاپ اتىمەن تانىمال قىلمىس الەمىنە بەلگىلى ارمان جۇماگەلدييەۆتى قاماۋدا ۇستاۋ مەرزىمى 2023 جىلعى 7 قاڭتارعا دەيىن ۇزارتىلدى. بۇل تۋرالى الماتى قالالىق سوتىنىڭ باسپا ءسوز قىزمەتى حابارلادى.
"الماتى مامانداندىرىلعان اۋدانارالىق تەرگەۋ سوتىنىڭ 2022 جىلعى 6 جەلتوقسانداعى اقپاراتى بويىنشا، سوت قاۋلىسىمەن تەرگەۋ ورگاندارىنىڭ ج.-گا قاتىستى قاماۋدا ۇستاۋ مەرزىمىن 2023 جىلعى 7 قاڭتارعا دەيىن ۇزارتۋعا سانكسيا بەرۋ تۋرالى ءوتىنىشى قاناعاتتاندىرىلدى"، – دەپ حابارلادى الماتى قالالىق سوتتىڭ باسپا ءسوز قىزمەتى.
"ديكيي ارمان" قاڭتار وقيعالارىنان كەيىن ۇستالىپ سودان بەرى قاماۋدا وتىر. ول جاپپاي ءتارتىپسىزدى ۇيىمداستىردى، زاڭسىز قارۋ ۇستادى، ۇيىمداسقان قىلمىستىق توپ قۇردى دەپ ايىپتالىپ وتىر. قىلمىستىق ءىس ماتەريالدارىن قولعا تۇسىرگەن سوت ىستەرى تۋرالى جازاتىن جۋرناليست ميحايل كوزاچكوۆ ارمان جۇماگەلدييەۆ بەس جىل بويى قازاقستانداعى قىلمىس الەمىندەگى وقيعالارعا جاۋاپتى بولعانىن، وعان ۇقك-دە ىستەيتىن كۋراتورلارى كومەكتەسكەنىن، ال قاڭتار وقيعاسىنا ازىرلىك 2021 جىلعى جازدا باستالعانىن ايتادى.
پىكىر قالدىرۋ